"Хоолны чанар бол том нууц биш ээ. Түүнийг хэн ч хийчихэж чадна, хэмээн махны наймаачны гэрт төрж Нью-Йоркийн нийтийн хоолны арван газрын эзэн болсон Оттоманели баталж байна. Түүний нууц нь хоолныхоо амт чанараас гадна гаднах үзэмжинд нь маш их анхаарал тавьдагт байдаг.
    "Mc Donald’s" гамбургерын бусад худалдагч нарыг живүүлж чаддаг гол шалтгаануудын нэг нь сүлжээнийхээ ресторан нэг бүрт ариун цэврийн өндөр стандартыг хангаж чаддагт байдаг. Бусад компаниуд эсвэл энэ бүхэнд нэг их анхаарал тавьдагтүй юм уу, эсвэл ресторан нэг бүрээ хянаад байж чаддагүй юм уу, энэ бүхэн үр дүнд нь нөлөөлдөг. Америкчууд хоол гэсэн ямар ч зүйлийг тэвчээд өнгөрч чадна, харин нойлын өрөөнд юм л болгон ариун цэврийн цаас дуусчихаад байвал, эсвэл балиар хогийн сав нүдэнд тусаад байх юм бол та бараг л түүх болж үлдлээ гэсэн үг. Үндэсний сагсан бөмбөгийн Холбооны "Minnesota Timberwolves" клубыг бэлнээр нь 32,5 сая доллараар худалдаж авсан Марв Вулфенсон Харви Ратнер нар бизнесээ ариун цэвэр дээр тулгуурлан явуулсан бөгөөд одоо 150 талбайтай теннисны клубуудын сүлжээг эзэмшиж байна. Тэдний аль ч клубт хоолоо шууд шалан дээр тавиад идэж болно. Бүр хувцас солих өрөөнд хүртэл. Зүгээр л ажилчиддаа нэг загварын ажлын хувцас өмсгөж, байгууллагадаа тогтмол ариун цэвэр, сайн гэрэлтүүлэг, сайхан ааш хангасан байхад зарим компаниуд, ялангуяа хэрэглэгч нартай шууд ажилладаг нь тааруухан бараа, хангалтгүй ур чадвартай ажилчидтай байсан ч болоод л байдаг. Хэн ч ноорхой хувцастай хүн ажиллуулдаггүй. Хэн тийм хүнээс юм худалдаж авах юм?
    Аз болж "Өмссөнөөр нь угтан авч, ухаанаар нь гаргаж өгдөг" гэсэн ардын мэргэн ухаан байдаг. Та хэзээ ч бүх ажилчдынхаа нэгэн адил цог хийморьтой харагдаж болно. Ирвин Рейн, Филип Котлер, Мартин Столлер нарын "Хэрхэн товойж харагдах вэ" гэдэг номд "Имиж юунаас бүрддэг вэ?" гэсэн бүлэг байдаг. Тэнд зохиогчид нь :
    - Таны гаднах төрх байдал,
    - Таны нэр,
    - Таны дуу хоолой,
    - Таны биеэ авч явж байгаа байдал,
    Тэгээд эцэст нь таны хэлэх гэсэн үгсийн утга - гэж тоочсон байдаг.
    Хэрэв та утсаар ярьж наймаа хийдэг бол "биений чинь хөдөлгөөний хэл " гэснийг дарчихаж болно . Хэрэв бараагаа шуудангаар зардаг бол "дуу хоолой", "бие авч явах байдал" гэдгийг хасчихаж болно. Гэвч ямар ч байдалд таны гаднах дүр төрх зар сурталчилгаагаар илэрч байна уу, аль эсвэл захиа бичих хэв маяг, эсвэл хувцсаар чинь илэрч байна уу, олны дундаас таныг онцолж өгдөг.
    Амьдрал бол ээлжит шалгалт шүүлэг биш. Хэлэх гэж байгаа зүйлийнхээ гол утга гэсэн сүүлчийн зүйлд хүрэхээсээ өмнө бусад зүйлүүдийг нь эзэмшээгүй л бол та унана.
    Танаар хэн ч үйлчлүүлэхийг хүсэхгүй.
    Эцсийн бүлэгт бид эхнэр юмуу нөхрөө яаж сонгож авдаг билээ дээ? Хэзээ сүүлийн удаа эхнэр тань таныг ухаантай болохоор чинь л гэрлэсэн юм гэж хэлж байсан бэ?

Эх сурвалж: асуу.мн