МЕНЕЖМЕНТ
Та шинэ ажилтан ажилд авах болон өмнөх ажилтнаа дэв ахиулахдаа дараах ЗАН ТӨЛӨВ-үүдийн алийг нь илүү чухалчилдаг вэ?
Нээлттэй байдал
9.06%
Үнэнч байдал
21.64%
Өрсөлдөх чадвар
17.84%
Бусадтай нийцэх байдал
18.71%
Гадагшаа чанар
1.17%
Ёс суртахуун
24.85%
Өөдрөг үзэл
6.73%
HRM- Сонгон шалгаруулалт
- 2016 / 04 / 23
АЖИЛД ОРОХ ЯРИЛЦЛАГАН ДЭЭР ХЭЛЖ БОЛОХГҮЙ 7 ЗҮЙЛ

1. Ярилцагчийн гаднах төрхийг ямар нэг байдлаар бүү магт.

Хэлж болохгүй: “Таны юбка чинь гоё юм аа”

Харагдах байдлын талаар магтаал хэлэх нь хэтэрхий задгай байгааг илтгэнэ . Та тэнд зорилгынхоо төлөө байгаа бөгөөд ихэнх ярилцагчид тэр хүрээнд л байхыг эрмэлздэг. Хувь хүний орон зайг нь хадгалахгүй бол тэд таныг буруугаар хүлээн авч болзошгүй.
Эрэгтэй та эмэгтэй хүнийг ийм тохиолдолд магтвал энэ нь басамжилсан буюу сексийн хүсэл сонирхолыг илэрхийлж байна гэж ойлгогдох магадлалтай.(хэдийгээр та ийм зүйл дотроо агуулаагүй боловч) Ижил хүйсний ярилцагчийг магтах нь ч гэсэн бялдуучлах буюу өөрийнхөө сайн талыг дөвийлгөж байна гэсэн үнэлэлт өгч болзошгүй.

“Таны гутал дажгүй юм аа” гээд санаандгүй хэлж орхисон ч энэ нь таны эсрэг эргэж болзошгүй. Хэрвээ ярилцагч чинь энэ гутланд дургүй, зүгээр л нөгөө гуталны өсгий нь муудсан учраас өмссөн байвал та юу гэж бодохыг нь төсөөлж байгаа биз дээ.

Үүний оронд: “Би өнгөрсөн 7 хоногийн сонинд нийтлэгдсэн танай компаний амжилтыг сонирхон уншсан шүү.”

2. Битгий уйл

Хэлж болохгүй: “Энэ бол амьдралын минь хамгийн хэцүү зүйл байсан. Үүний талаар би одоо ч бодсоор явна.”

Ярилцагчтай уулзах анхны уулзалтан дээрээ уйлах нь таныг тогтворгүй хүн гэж бодогдуулж болзошгүй. Ажил олгогчид өндөр дарамтан дунд ч ажиллах чадвартай хүнийг хайж байдаг учир таныг бухимдлаа тайлж чадахгүй хүн гэж дүгнэх болно.
Ирээдүйн ажил олгогчдоо сэтгэл санааныхаа байдлыг хянаж чадна гэдгээ үзүүлнэ гэдэг нь хүмүүстэй харьцаж чадна гэдгээ нотолж буйтай адил чухал зүйл. Боломжтой бол аль болох сэтгэл хөдөлгөсөн үйл явдал ярихаас татгалз.

Үүний оронд: “Энэ явдал хэцүү байлаа , гэхдээ бид давж гарсан.”



3. Ажилтай хамааралгүй л бол өвчин бүү ярь

Хэлж болохгүй: “Миний нуруу аймаар өвддөг. Дээрээс нь энэ жил астма маань хүндэрч байна.”

Танилцуулгын чинь жагсаалтанд хоосон зай байвал та энэ хугацаанд эмнэлэгт хэвтэх юм уу хүндээр өвдсөн байж болох юм. Энэ бол ажилд хамаатай зүйл. Харин та өөрийгөө зөвхөн өвчтэй гэдгээ яриад байвал энэ ямар ч хамаагүй.
Ярилцагчдаа дөнгөж саяхан аймар ханиаднаас салснаа хэлвэл түүнд таныг тайтгаруулах буюу харамсаж байгаагаа хэлэх үүрэг гарах бөгөөд энэ нь ажил хэргийн хүрээг сулруулдаг.

Үүний оронд:
“Би мэс засалд орсныхоо дараа хэсэг хугацаанд тэнхэрч байсан юм. Одоо асуудалгүй ”

4. Өөрийнхөө шургуу ажиллаж байсныг л тодруулаагүй бол өмнөх компанийхаа хүндрэлтэй асуудлуудыг бүү ярь.

Хэлж болохгүй: “Би өмнөх даргатайгаа маш олон асуудалтай байсан. Тэр миний байнгын толгойны өвчин байлаа”
Хэрвээ та бэрхшээлтэй асуудлуудыг хэрхэн зохицуулснаа тодруулж ярихгүй бол ирээдүйн ажил олгогч чинь таныг сүүлийн ажилдаа зөвхөн асуудал үүсгэж байсан хүн гэж бодох болно.

Ярилцагч чинь таны өмнөх ажил олгогчтой учирсан проблемын талаар асууж байвал энэ нь тэр асуудлыг хэрхэн шийдсэн болохыг л сонирхож байна гэсэн үг.
Та хуучин ажилдаа ой гутмаар байсан ч “Гэхдээ” гэдэг үгийг хэрэглэн тэр орчиндоо амжилтанд хүрэхийн тулд юу хийсэн гэдгээ тайлбарлах ёстой.
Мөн ажилтануудын ялгаатай байдлыг хэрхэн даван туулсан, хамтран ажиллагч нартайгаа хэрхэн харилцаагаа сайжруулсан талаар ярих нь тун чухал юм.

Үүний оронд: “Надад олон асуудал тулгарч байсаан, гэхдээ бүгдийг нь амжилттай давж гарсан”

5. Ойр дотно болох гэж бүү зүтгэ.

Хэлж болохгүй: “Та хүүхэдтэй гэдгийг би мэдэж байна. Би хүүхдэд их хайртай ”
Ярилцагчтайгаа адилхан болох гэж бүү хичээж хүчил. Ярилцагчийн өрөө нь түүний хобби, сонирхолыг нь илтгэсэн байж болно. Гэхдээ танд энэ бүхэн таалагдсан байх албагүй.
Тэр хүн хүүхдийнхээ зургийг өрөөндөө тавьсан байхад ямар нэг зүйл хэлж болох ч та өөрөө хүүхэдгүй бол дүр эсгэж байгаа мэт л санагдах болно.

Эсвэл теннисний цохиур өрөөнд нь байлаа гэж бодъё. Та түүнд нь зориулж юм хэлсэн байлаа гэхэд эргээд “Та теннис тоглодог уу” гэсэн асуултанд бэлэн байх ёстой. Хэрвээ хариулт чинь үгүй бол энэ нь яг л “Тэгвэл яах гэж түрүүлж асуусан юм бэ” гэх бодол төрүүлнэ.

Үүний оронд: “Таны өрөө сайхан юм аа. Танай компани энд хэр удаж байгаа вэ?”

6. Асуултгүй байх

Хэлж болохгүй: “Үгүй ээ, та бүгдийг нь асуучих шиг боллоо. Дараа уулзъя.”

Асуултгүй байна гэдэг үхлийг үнсэж буйтай ижил. Энэ нь таныг уг компанийг сонирхохгүй эсвэл зүгээр л цалин хүсч байгаа гэдгийг илтгэнэ. Асуух зүйл олдохгүй бол “Хийх ёстой 3 томоохон ажлууд маань ямар ажил байх бол” эсвэл “танай компанид маш амжилттай ажиллаж байгаа хүмүүст ямар зан чанар байдаг вэ” гэж асууж болох юм.
“Ярилцагчид таны өгч байгаа хариултаас илүү асууж буй асуултыг илүү үнэлдэг” болохыг судлаачид хэлж байна. Асуултнаас чинь таны юу боддог, юунд илүү анхаардгийг тэдэнд мэдрүүлэх боломж гардаг. Тухайн газрын цаашдын чиглэл, тулгарч буй бэрхшээлийг асууснаар та илүү харилцаанд орж байгаагаа харуулна. Энэ нь тэдэнд “Би энэ ажлыг хиймээр байна” гэж ойлгогддог.

Үүний оронд: “Танай компани хэд хэдэн шагнал авсныг би харлаа. Өрсөлдөгч байхад ямар шинжүүд хэрэгтэй болдог вэ” г.м

7. Халагдсан гэдгээ бүү хэл

Хэлж болохгүй: “Би сүүлийн ажлаасаа хусагдчихсан”

Та халагдсан байлаа ч энэ үгийг бүү хэрэглэ хэмээн ажил олгогч нар хэлж байна.
Халагдсан гэдгээ хэлэх нь ярилцлагын өнгийг бууруулж, ирээдүйн ажил олгогч чинь таны эерэг зан чанар, мэргэшил дээр чинь бус сул тал дээр чинь төвлөрөх нөхцлийг бүрдүүлнэ. Та маш сайн ажилтан, ажилдаа тун хариуцлагатай байсан ч хуучин компанидаа тохирохгүй байсан байж болно. Гэвч халагдсан гэдэг үгийг л хэлвэл ярилцагч чинь энэ бүхнийг харж чадахгүй болж магадгүй юм. Харин худлаа ярих хэрэггүй.

Үүний оронд: Ажил олгогч та хоёр тохиромжгүй байсан учраас зам замаа хөөсөн гэж хэлж болох юм. Дараа нь энэ туршлагаас юу суралцсан, одоо юун дээр анхаарч буйгаа хэлэх хэрэгтэй.


Танд энэхүү мэдээлэл таалагдаж байвал Like дараарай!
Сэтгэгдэл бичих
- 2020 / 02 / 21
Оновчтой сонгон шалгаруулалт хийхийн үндэс нь сайн "бүрдүүлэлт" байдаг. Гэвч бүрдүүлэлтийн явцад бид "хуурамч улаан зангиатан"-дыг сонгон шалгаруулалтанд оруулж, улмаар багийн гишүүн болгох эрсдэл байдаг.
Зан төлөв гэдэг нь үнэт зүйл, үзэл бодлын хэв маяг, чин сэтгэл, хандлага, сэдэлжилт гэх мэт өргөн хүрээг хамарсан ойлголт юм.
- 2020 / 02 / 15
TAIPI гэдэг нь тухайн бие хүн байгууллагад болон хариуцсан ажил үүрэгтээ тохирох эсэх талаар бие хүний зан төлвийн үзүүлэлтийг тодорхойлдог тест юм. Сонгон шалгаруулалтын TAIPI тестээр та өөрийн байгууллагад ажиллахад болон тухайн ажилд тохирсон зан төлөвтэй хүн мөн эсэхийг тодорхойлон таамаглах боломжтой болно.
- 2020 / 02 / 14
-2020 / 02 / 12
Зан төлөв - Энэ бол хувь хүний бодит, тогтвортой сэтгэц зүйн үзэгдлийн нийлбэр цогц бөгөөд тухайн хүний хүрээлэн буй орчинд хандах хандлага, биеэ авч явах байдлаар илэрнэ. Грек хэлнээс орчуулахад " зан төлөв " гэдэг нь онцлог шинж гэсэн утгыг илэрхийлнэ. Сэтгэц зүйн үзэгдлийн онцлогууд нь байнга үүсч, тухайн хүний биеэ авч явах хэлбэрийг тодорхойлж байх нөхцөлд л зан төлвийн онцлог болно. Гурван шаардлагад /Тодорхой илэрхийлэх, нягт уялдаа холбоотой байх, үйл ажиллагааны бүхий л хэлбэрт тусгалаа олох / нийцсэн тохиолдолд л хувь хүний онцлог шинжээс зан төлөвийн бүхий л онцлогууд бий болох боломжтой.
-2020 / 02 / 12
Гадаад оронд салбартайгаар үйл ажиллагаагаа явуулж байгаа компаниуд олон улсын түвшинд хүний нөөцөө бүрдүүлэх гурван эх үүсвэр байдаг. Олон улсад эдгээр ажилтнуудыг Expatriate managers /гадаадын менежерүүд/ гэж нэрлэдэг. Товчоор Expats гэж дуудна. Гадаад салбаруудад өөрийн менежерүүдийг ажиллуулах хоёр шалтгаан байдаг.
-2020 / 02 / 11
Ажлын ярилцлагад амжилттай орно гэдэг нь зөвхөн асуусан асуултад хариулах үйлдэл биш юм. Ажлын ярилцлагын үед л ажил горилогч өөрийгөө хэн бэ гэдгээ бүрэн таниулах, харин ажил олгогч нь өөрийн мэргэжлийн ур чадварын тусламжтайгаар тухайн хүнээ цаана нь гартал судлах боломжтой байдаг учраас ярилцлагад орно, ярилцлага хийнэ гэдэг нь маш хариуцлагатай, хамгийн чухал үе шат юм. Тиймээс ажлын ярилцлагын үед юунд анхаарах талаар Монголын Хүний Нөөцийн Институтийн мэргэжилтнүүд дараах практик зөвлөмжүүдийг хүргэж байна.
HR Фото