МЕНЕЖМЕНТ
Байгууллагад шинэ ажилтан сонгон шалгаруулж авахад ажилтны ямар ур чадвар хамгийн их дутагдалтай байдаг вэ?
Хамт олонч, бүтээлч сэтгэлгээгээ хөгжүүлэх
18.32%
Өөрийгөө бусдад бүрэн илэрхийлэх
33.53%
Илүү ихийг хийж бүтээх санаачлага
32.35%
Ажлын цагийг зөв төлөвлөх
15.73%
HRM- Шагнал урамшуулал
- 2016 / 12 / 30
МОТИВАЦИД СУРАЛЦАХУЙ
Хүн хэдийгээр хамтын хөдөлмөрт оролцдог хэдий ч хувийн хэрэгцээ, сонирхлоо хэзээ ч орхидоггүй.
Энэ л хэрэгцээ шаардлагыг удирдлагууд ажилтануудаа урамшуулахад хэрэглэдэг. Хүн өөрийн эдийн засгийн байдлаа сайжруулахын төлөө үргэлж хүчин чармайлт гаргадгийг олж мэдсэний үндсэн дээр тэдний эдийн засгийн байдлыг дээшлүүлэх болон хувийн хэрэгцээ сонирхолыг хангахад анхаарч ажиллавал ажлын бүтээмж болоод үр ашиг сайжирна гэдгийг та ойлгох болно. Энэ бол орчин үеийн мотивацийн онолын эх үндэс.

Мотиваци - өөрийн болон байгууллагынхаа нэгдмэл зорилгын төлөө түлхэх, урамшуулах үйл ажиллагаа

Удирдагч нь байгууллагынхаа зорилтыг тодорхойлсны дараа ажлаа хэрхэн зохион байгуулах , хэнээр , юуг ямар хугацаанд хэрхэн хийлгэхээ сайтар бодож боловсруулах шаардлагатай байдаг бөгөөд үүний тулд ажилтнуудыг нэгэн зүгт ,  нэгдмэл үр дүнд чиглүүлэх шаардлагатай. Иймээс удирдагчид болон менежерүүд зорилгодоо хүрэхийн тулд нэгдмэл сонирхолыг бий болгох нь чухал. Хүмүүсийн хөдөлмөрч хандлагыг идэвхжүүлэх олон аргыг хүн төрлөхтөн хэрэглэсээр ирсний хамгийн өргөн хэрэглэгддэг нь материаллаг урамшуулалын арга юм. Хүмүүсийн орлогын түвшин бага амжиргааны түвшин доогуур нөхцөлд мөнгөн шагналын урамшуулах, идэвхжүүлэх нөлөө их байдаг хэдий ч материаллаг бус урамшуулалыг  энд бас бодолцох хэрэгтэй. Өөрөөр хэлбэл хүнд сэтгэл санааны хувьд урам хайрлах,  дэм өгөх үйлчлэл бүхий удирдлагын нөлөөллийг хэрэглэх. Материалаг урамшуулал нь нэг талаас хүний гачигдаж байгаа материаллаг эд зүйлсээр дамжуулан хүний сэтгэл санаанд нөлөөлөн сэтгэл зүйн ханамж өгдөгөөрөө онцлог ч материаллаг бус хувийн хэрэгцээ сонирхолыг нь хангаснаар түүнээс ч дутахгүй үр дүнд хүрч болно. Жишээ нь ажилтныг урамшуулагч бас нэгэн томоохон хүчин зүйл бол ажилтнуудын ажлын сэтгэл ханамж буюу дуртай,  сонирхолтой ажлыг нь хийлгэх явдал. Хийж буй болон хийх гэж буй ажлаараа бахархах, үр дүнд нь сэтгэл ханамжтай байх явдлыг нь хөхүүлэн дэмжих. 

Хүнийг хөдөлгөх,  үр дүнтэйгээр ажиллуулах, урамшуулах ухаан буюу мотивацийн хэд хэдэн онол байдгаас хамгийн их дэлгэрсэн онол нь Абрахам Маслоугийн шатлалын онол юм. Тэрээр хүний хэрэгцээг таван үндсэн хэсэгт хуваасан бөгөөд түүнийг нь хангах замаар үр дүнд хүрч болно гэж үзжээ.

Хэрэгцээ нь :
1.     Физилогийн; Хооллох, ундлах, унтаж амрах, өмсөх хувцас, орон байртай байх
2.     Аюулгүй байх, ирээдүйдээ итгэлтэй байх; Физилогийн хэрэгцээ ирээдүйд бүрэн хангагдаж хүрээлэн буй орчны зүгээс ямар нэгэн аюул заналгүй байх хэрэгцээ
3.     Нийгмийн хэрэгцээ; Хүмүүсийн аль нэг бүлэгт хамааралтай байх, нийгмийн харилцаанд орох, нийгэм, хамт олон, бүлгийн зүгээс дэмжлэг авч байх хэрэгцээ.
4.     Хүндлүүлэх хэрэгцээ; Өөрийн авъяас чадвар, ажлын амжилтаа бусдаар хүлээн зөвшөөрүүлэх, тэднээр хүндлүүлэх , өөрийгөө хүндлэх хэрэгцээ
5.     Өөрийгөө илэрхийлэх; Өөрийн авъяас чадвар, дадлага, туршлага, боломжоо амьдралд хэрэгжүүлэх, хувь хүний хувьд өсөн дэвжих хэрэгцээ гэж ангилсан бөгөөд эдгээр нь доод шатны хэрэгцээнээс эхлэн хангагдах ба аль нэг хэрэгцээг хангахгүйгээр дээд шатны хэрэгцээ хангагдахгүй.

Хүний хэрэгцээ хязгааргүй ба нийгмийн хөгжлийг даган хувь хүн хөгжиж энэ хэрээр хэрэгцээ нь ч улам бүр өсч байдаг. Ажилтнуудын хэрэгцээ олон талтай, өргөн хүрээтэй гэдгийг мэдэрч тэдгээрт  мотивацийн нөлөөлөл үзүүлэх замаар ажилтнуудын тодорхой хэрэгцээг хангахад чиглэн үйл ажиллагаа явуулах ёстой. Энэ бол Маслоугийн онолын гол үзэл санаа юм. Мотивацийн ухаан зөвхөн хэрэгцээ, сонирхол шаардлагад найдаад дээд зэргийн  үр дүнтэй ажиллуулах,  амжилтанд хүрэхийн тулд хувь хүний зан араншингийн онцлогийг судлахыг чухалчилдаг. Энэ нь зөвхөн авир араншинг нь тогтоогоод өнгөрөх бус ер нь ажилтануудаа урамшуулахын тулд хэн ямар зан араншинтай, түүнд нь тохируулан яаж өдөөн урамшуулж болох, энэ нь ажлын үр дүн болоод баг хэрхэн нөлөөлөх гэдгийг ултай суурьтай тооцоолно гэсэн үг.

Зарим хүн доод шатны ажилтнуудтайгаа нэг янзаар, дээд хүмүүстэйгээ өөрөөр харилцдаг. Эхнэр хүүхэд, ах дүү, ажлын хамт олон, үл таних хүн гэх мэт янз бүрийн хүмүүстэй нэг л сэдвээр янз янзаар харилцдаг. Тэгвэл бизнесийн аливаа үйл ажиллагаанд харилцаж буй хүнийхээ жинхэнэ мөн чанарыг мэдэх нь туйлын чухал. Тантай харилцаж буй хүн бүрийн дотоод гол санааг нь л олж мэдэрхийг л хичээх хэрэгтэй. Ямар ч бизнес хүмүүсийн хоорондын харилцаан дээр шийдэгддэг учраас хэдий хурдан, үнэн зөвөөр хүнийг олж харна, төдий чинээгээр бизнес тань үр ашигтай, өгөөжтэй байх болно.

Тэгвэл ажилтнуудыг зохион байгуулдаг, тэднийг урамшуулдаг, удирдлагын зүгээс хамгийн ойр ажилладаг менежер гэж хэн бэ? Сайн менежер байхын тулд ямар ямар шинжийг агуулсан байх ёстой вэ? шилдэг манлайлагчид сайн менежер байх шаардлагагүй байдаг ч менежер болгон манлайлалд суралцах ёстой. Иймээс манлайлал бол менежерт байх зөвхөн нэг шинж чанар.
Танд энэхүү мэдээлэл таалагдаж байвал Like дараарай!
Сэтгэгдэл бичих
- 2015 / 05 / 15
Шагнал урамшуулалын мэргэжилтнүүд ажилтнуудынхаа хэрэгцээ түүнчлэн зардлыг байнга тэнцвэртэй байлгах ёстой. Влерикбизнесийн сургуулийн гаргасан “C&B” лидерүүд гэсэн судалгаагаар шагнал урамшуулалын мэргэжилтнүүдийн талаас багагүй хувь нь л бизнесийнхээ стратегийг шагналын бодлого болгон хөрвүүлэх чадвартай байдаг аж.
Цалин хөлсийг дотор нь 4-н бүрэлдэхүүн хэсэгт хуваадаг.Үүнд:
1. Үндсэн цалин
2. Нэмэгдэл цалин
3. Нэмэгдэл
4. Шагнал урамшуулал орно.
- 2011 / 11 / 28
Цалин тооцооны энэхүү систем нь тогтмолоор, цагаар, ажлын нарядаар гэх мэт бүх төрлийн цалингийн тооцооллыг хийх бөгөөд өдрөөр, 7 хоногоор, 14 хоногоор гэхчилэн сард хэдэн ч удаа цалингийн бодолтыг хийх боломжтой. Систем нь санхүү, хүний нөөц болон цаг бүртгэлийн системтэй шууд холбогдон ажиллах бөгөөд цалин бодолтын үр дүнг ажилтан бүрт e-mail-ээр илгээнэ. Мөн татвар, НДШ-ийн зэрэг бүх төрлийн тайланг хүссэн хугацаандаа, хүссэн хэлбэрээрээ авах боломжтой. 
- 2011 / 03 / 17
-2010 / 07 / 14
Хүмүүн гэгч байгалийн амьтан болохын хувьд эгэл махан биетэй, хүсэл сэтгэлийн үйлтэй, далд ухамсар зөн билгийн шинжтэй, нийгмийн амьтан болохын хувьд санаачлагч, оюунлаг шинжтэй юм. Хоол унд, орон байр зэрэг материаллаг хэрэгцээ, өөрийгөө нотлох, сэтгэл хангалуун байх, үнэ цэнэтэй хөдөлмөр эрхлэх, оюуны хэрэгцээ үйл ажиллагааг нь зохицуулахад чухал үүрэг гүйцэтгэдэг. Эдгээр хэрэглээнд нөлөөлөх замаар хүмүүсийг идэвхжүүлдэг.
-2010 / 01 / 31
Шинэ ажлын байр хайж байгаа эсвэл одоо байгаа ажилдаа сэтгэл хангалуун байхын тулд цалингаа нэмэгдүүлэхээр тохирмоор байна уу? Гэхдээ мэдээж энэ нь амаргүй байх нь тодорхой юм. Ажил олгогч эсвэл дарга та 2-ын шаардлага нэгэн цэгт огтлолцож байвал эерэг үр дүн гарах боломжтой юм. Тиймээс та хангалттай мэдээлэл, сайн бэлтгэлтэй байснаар тохиролцоонд хүрж цалингаа нэмэгдүүлж чадна гэдэгт итгэлтэй байна.
-2009 / 10 / 23
Шагнал гэхээр л заавал мөнгө байх ёстой гэж үү? Шагнал хүнийг урамшуулж, идэвхжүүлж, илүү урам зоригтой болгодог. Шагнал олон төрөл байж болно. Менежментийн шинжлэх ухаанд хүний 4-5 хэрэгцээг тодорхойлсон байдаг. Тэгээд эдгээр хэрэгцээгээ доороос нь дээш нь дараалуулдаг. Тэгвэл хамгийн доод талын хэрэгцээ нь мэдээж хүний амьд явах хэрэгцээ, тэгээд мөнгөн урамшуулал, хүний нийгэмтэй харьцах харьцаа, бусдад танигдах хүсэл, өөрийгөө илтгэх зэргээг дараалдаг байна. Хүн олон жил ажиллаад, бусдад хүндлэгдээд ирэхээр мөнгөн шагнал тухайн хүнийг төдийлөн урамшуулж чададгүй, харин бусдад танигдах, өөрийгөө илтгэж харуулж буй нь тухайн хүмүүст урамшуулал болж чаддаг.Тэгвэл дөнгөж ажилд орсон буюу залуу ажилчидыг мөнгөн шагнал илүү урамшуулдаг гэж үздэг байна.

HR Фото