Жон Гордоны бичсэн “ШӨЛ” /ӨӨРИЙН БАГ БОЛОН БАГИЙН СОЁЛЫГ ТЭТГЭХ ЖОР/

Энэ бол шинэхэн хүний нөөцийн мэргэжилтнүүдийн заавал унших хэрэгтэй ном бөгөөд энэ салбарт ороод удсан хүмүүс жинхэнэ “Судар бичиг” юм. Энэхүү ном нь “ялагч” соёлыг бий болгож , ажилтнуудын сэтгэл санаа, харилцааг дээшлүүлэхэд ашиглагадах “Жор”-ыг тайлбарлаж бизнесийн агуу түүхийг танилцуулах болно. Тус ном “Шөл компани” хэмээх олонд танигдсан боловч уналтанд орсон брэндийг сэхээн амьдруулж, дахин сэргээхээр ирсэн шинэхэн захирал Нэнсигийн талаар өгүүлнэ. Номонд өгүүлэгдэх түүх нь ямар ч хүний нөөцийн мэргэжилтний толгойд байгаа бүтээлч санаачлагын араа хүрдийг ажиллуулах болно.

Эргэн сэргэж байгаа компанийн энэхүү түүх нь эдийн засгийн хүндрэлд байгаа манай нөхцөл яг цагаа олсон агуулга гэж бодож байна. “Шөл” номонд соёл нь хандлагыг бий болгож,  хандлага нь зуршлыг бий болгож, зуршил нь үр дүнг би болгодог тухай өгүүлнэ. Хэрэв та Жон Гордоны бусад бестселлерүүдийг уншсан бол танд түүний энэ бүтээл таалагдах нь дамжиггүй. “Шөл”-г уухад их таатай. Учир нь уран зохиолын хэлбэрээр бичсэн тул уншихад амар бөгөөд бизнесийн загварыг нь сонирхол татам, сэтгэл сэргээсэн түүхээр тайлбарласан нь магтууштай.