HRM / ХНМ
Та шинэ ажилтан ажилд авах болон өмнөх ажилтнаа дэв ахиулахдаа дараах ЗАН ТӨЛӨВ-үүдийн алийг нь илүү чухалчилдаг вэ?
Нээлттэй байдал
9.66%
Үнэнч байдал
19.24%
Өрсөлдөх чадвар
20.63%
Бусадтай нийцэх байдал
24.58%
Гадагшаа чанар
0.73%
Ёс суртахуун
19.46%
Өөдрөг үзэл
5.71%
HRM- Гүйцэтгэлийн үнэлгээ
- 2021 / 02 / 13
ӨНДӨР ГҮЙЦЭТГЭЛТЭЙ АЖЛЫН СИСТЕМ /HPWS/-ИЙГ АШИГЛАХ НЬ

Өндөр бүтээмжтэй ажлын систем /ӨГАС/ гэдэг нь байууллага дотор ажилтныг илүү их оролцоотой, хариуцлагатай болгох хэд хэдэн менежментийн практикт өгсөн нэршил юм. 

Жорж В.Боландер өндөр гүйцэтгэлтэй ажлын системийг “Энэ бол  ажилтны мэдлэг, ур чадвар , сэтгэл, уян хатан байдлыг дээд цэгт нь хүргэх хүний нөөцийн практик, ажлын бүтэц, үйл явцын нийлмэл“ гэж хамгийн оновчтой тайлбарласан байдаг. Тэрээр өндөр гүйцэтгэлийн ажлын системийн тухай энэ санаа нэлээд эртнээс гаралтай бөгөөд суурь нь ХХ-р зууны АНУ-ын үйлдвэрлжилтийн үед тавигдсан гэж үздэг. Тухайн үед америкийн үйлдвэрүүд дэлхийн хэмжээний өрсөлдөөнийг мэдэрч, үйлдвэрлэлийн арга барилаа өөрчлөх хэрэгтэй болсон юм. 

Энэхүү хүнд хэцүү үед бий болсон санаанууд нь яваандаа өндөр бүтээмжтэй ажлын системийн түлхүүр болж хувирсан.  Тэдгээр санааны эхний хэсэгт ажилчдыг шийдвэр гаргах үйл явцад оролцох боломжийг нэмэгдүүлэх бодлого орох юм. Ажилчид шийдвэр гаргах үйл явцад оролцох боломжоо өндөр бүтээмжтэй ажлын системийн гол элементүүдийн нэг гэж үздэг. Учир нь үүний ачаар ажилчид өөрийнхөө ажлын орчинд шууд нөлөөлөх шийдвэрт оролцох боломжтой болж, эрх мэдэлтэй болсон мэт мэдрэмж төрж, үүнээс үүдээн ажилдаа илүү сэтгэл гаргадаг. Ямар ч байсан онолын хувьд ийм байдаг. ӨГАС-ийн хоёр дахь хэсэг нь сургалт юм. Сургалтууд ажилчинг ажлаа илүү үр дүнтэй гүйцэтгэхэд шаардлагатай ур чадварыг эзэмшүүлэхээс гадна байгууллага дотроо илүү хариуцлага өндөр ажил хийх боломж олгоно. Сургалтаар дамжуулж ажилчдад төрөл бүрийн ур чадвар олгохоос гадна байгууллагын янз бүрийн ажил үүргийг ойлгох боломжийг бүрдүүлнэ. Гурав дахь хэсэг нь  ажилчны урамшуулал юм. Өмнөх хоёр элемент нь ажилчид болон байгууллагыг өндөр бүтээмжтэй ажлын системд бэлддэг ч , урамшуулалгүй бол систем нь бүтэлгүйтэх болно. Тиймээс ажилчдын гүйцэтгэлийг цалинтай холбож тэднийг урамшуулах хэрэгтэй. Тэгвэл ажилтан өөрийхөө эрх ашгийн төлөө ажиллах явцдаа байгууллагын нийт гүйцэтгэлийг сайжруулах болно. Урамшуулал нь хувьцаа, орлогын хувь, цалингийн нэмэгдэл эсвэл бусад мөнгөн шагнал гээд олон төрөл байж болно. Түүнээс гадна нь урамшуулал нь амралт олгох, чөлөөт хуваариар ажиллах, хоолонд урих зэрэг мөнгөн бус хэлбэртэй ч байдаг.

Орчин үеийн өндөр гүйцэтгэлтэй ажлын системд оролцоо, сургалт, урамшуулал гэсэн гурван элементээс гадна дөрөв дахь гол элемент гэж байна. Технологийн хөгжил орчин үед хаа сайгүй дэлгэрч, байгууллагын хөгжлийн нэг хэсэг болсон. Өндөр бүтээмжтэй ажлын системийн хувьд технологийн шийдэл нь заавал хамгийн сүүлийн үеийх байх албагүй. Гэхдээ технологийн дэвшил нь бизнесийн гүйцэтгэлд чухал үүрэг гүйцэтгэх харилцаа, мэдээлэл хуваалцах  тогтолцоог бүрдүүлдэг. 

Дээр дурдсан дөрвөн зүйл байгууллага дотор өндөр гүйцэтгэлтэй ажлын системийг бий болгоход зайлшгүй шаардлагатай байдаг. Өндөр бүтээмжтэй ажлын системийг 1992 онд тодорхойлохдоо “ажил, хүмүүс, технологи , мэдээллийг нэгтгэж, хоорондын тохиромжтой зохилдлогыг бий болгож, харилцагчийн шаардлага, бусад гадны хэрэгцээ, боломжуудыг ашиглан өндөр гүйцэтгэл, бүтээмжтэй болгох зохион байгуулалтын архитектур” хэмээж байв.  

Өндөр гүйцэтгэлтэй ажлын системийг энгийнээр тайлбарласан ч бодит загвар, хэрэгжүүлэлт нь тийм ч амар зүйл биш юм. ӨГАС-н нэг загварыг байгууллага бүр дээр дахин хэрэгжүүлэх боломжгүй юм. Байгууллага бүр анхан шатны загварыг хэрэгжүүлэх явцдаа өөрийн гэсэн өвөрмөц, давтагдашгүй загвартай болно. Надлер тус загварыг ашиглахдаа анхаарах 10 зарчмыг онцолсныг хүснэгтээр үзүүлье. Эдгээр зарчмууд нь ерөнхий чиглүүлэг бөгөөд өндөр гүйцэтгэлтэй ажлын системийн загвар гаргахдаа заавал оруулах зүйл биш юм.  

Эх сурвалж: МХНИ - HUMAN CAPITAL Удирдагчийн сэтгүүл №21


ӨНДӨР ГҮЙЦЭТГЭЛТЭЙ АЖЛЫН СИСТЕМ /HPWS/-ИЙГ АШИГЛАХ НЬ
Evidence-Based Consulting | Нотолгоонд суурилсан зөвлөх үйлчилгээг Монголд ...
Танд энэхүү мэдээлэл таалагдаж байвал Like дараарай!
Сэтгэгдэл бичих
- 2021 / 02 / 16
Системийг амжилттай болоход нөлөөлөх гол зүйл бол тухайн системийн зорилго, үйл явц, үр дүнг байгууллага даяараа зөв ойлгох явдал юм. Тиймээс харилцаа нь ӨГАС-ийн амжилтанд чухал нөлөөтэй юм.
Гүйцэтгэлийн үнэлгээний удирдлагыг оновчтой нэвтрүүлэхэд нэн тэргүүнд юун анхаарах хэрэгтэй вэ?
- 2021 / 02 / 03
Цалингийн програмыг сонгоход анхаарах хэрэгтэй хамгийн чухал 10 хүчин зүйлсийг мэргэжилтнүүд зөвлөж байна.
- 2020 / 02 / 10
-2020 / 02 / 08
Заримдаа бид ядарч байсан ч ажилдаа шамдан хөдөлмөрлөдөг. Үүний адил та өөрийн гүйцэтгэлийн үнэлгээндээ ач холбогдол өгч ажиллах хэрэгтэй. Тэгвэл та гүйцэтгэлийн үнэлгээний хуралд өөрийгөө бүрэн илэрхийлэх боломжтой болох юм. Санхүүгийн жилийн эцэс ойртож байгаа тул та ч бас гүйцэтгэлээ тайлагнан түүнийгээ үнэлүүлэх цаг ойртож байна гэдгийг санаарай. Магадгүй таны өнгөрсөн жилийн зорилго, зорилтоо бичиж байсан үе саяхан мэт санагдавч ямар зорилго бичсэнээ аль хэдийн мартаад, юун дээр тэмдэглээд хаашаа хийсэнээ санахгүй байж ч болно. Гэхдээ та жил бүр л хийдэг энэ ажлаасаа айх хэрэггүй. Гүйцэтгэлийн үнэлгээнд сайн оролцох хэдэн зөвлөгөөг танд өгье.
-2017 / 01 / 15
Та хэр их ажил амжуулж байгаа тань хамаагүй бөгөөд таныг оройтож ирснээр тань л дүгнэх юм. Энэ нь шудрага бус санагдаж байгаа биз, үгүй гэж үү?
-2016 / 05 / 29
Хэний ухамсар ядууралд татагдаж байна, тэр хүн ядуу. Энэ хуулинд баялаг бас захирагдана. Мөнгө кате­го­риор сэтгэхгүй бол одоо яана гэхэв, ядуурлын тухай та бодох болж дээ. Харин мөнгө категориор сэтгэх чадвартай болохын тулд сэтгэх хэрэгтэй. Баялаг хуримтлуулах хэрэгт шаргуу байхын ач холбогдол нэн чухал юм. Шаргуу байхгүй бол тоглолтоо эхлэхээс өмнө хожигдоно. Шаргуу байдал ямар ч бэрхшээлийг давна.
HR Фото