Шилдэг гүйцэтгэх захирлууд урам зориг өгч, нөлөөлж, үр дүнд хүрэхийн тулд хэрхэн харилцдаг вэ?
Энэхүү ном хүмүүсийн дунд түгээмэл байдаг "Удирдагчид хэн нэгэнд урам хайрлахын тулд сайн илтгэгч байх албагүй” гэсэн ойлголтын эсрэг зогсдог.
“Удирдагчдын хэл" хэмээх энэ номонд Кевин Мюррэй "Бид хоорондоо харилцахын тулд, бодол санаа мэдрэмжээ илэрхийлэхийн тулд ашигладаг тэр үгс харилцааны системд дарагддаг" гэж бичсэн байна. Ийнхүү зохиогч уг номоороо дамжуулан удирдагч хүн гайхалтай үр дүн гаргах урам хайрлахын тулд ямар систем ашиглах хэрэгтэйг хэлж өгнө.
"Удирдагчдын хэл" ном нь ахлах албан тушаалтнуудыг ажилд авахад бусдыг ойлгох, сэдэлжүүлэх, урам хайрлах чадвар нь чухал гэдгийг CEO болон хүний нөөцийн мэргэжилтнүүд ойлгож эхэлж буй өнөө үетэй зэрэгцэн хэвлэгдсэнээрээ онцлогтой юм.
Төрөл бүрийн салбарын 70 гаруй шилдэг удирдагчдын жагсаалтыг ашиглан Мюррэй тэд ил тод ертөнцийн хэрэгцээг хэрхэн хангаж байгааг харуулахыг зорьсон байна.
Энэ номд ярилцлага өгсөн хүмүүсийн өөрсдийн бүтэлгүйтлээс сурсан зүйлийг нь танд ойлгоход амар хэлбэрээр хураангуйлан тайлбарлаж бүлэг бүрийн дараа бичсэн нь тун хэрэгтэй зүйл болсон.
Кевин номондоо удирдлагын хувьд итгэл яагаад чухал гэдгээс авхуулаад удирдагчид удирдагч хүнийг ажилд авахдаа анхаарах зүйл мөн харилцааны талаар сайжрахын тулд ямар алхам хийх хэрэгтэй вэ? Зэрэг сэдвүүдийг хөндсөн юм.
Номынхоо сүүлчийн бүлгийн дараа Мюррэй удирдагчдад урам хайрласан харилцагч байхад хэрэгтэй зүйлийг сануулсан бяцхан санамж, бүдүүвч зурагтай зааварчилгааг хайчилж авч ашиглаж болохоор хийсэн байна.