Засгийн газрын 1999 оны 122 дугаар

 Ñ‚огтоолын 1 дүгээр хавсралт

 

АЖЛЫН ЦАГИЙГ НЭГТГЭН БОДОХ ЖУРАМ

 

1.     Ажил, үйлдвэрлэлийн онцлогоос шалтгаалан өдрийн болон долоо хоногийн ажлын цагийг баримтлах боломжгүй аж ахуй нэгж, байгууллагын ажилтны цагийг нэгтгэн бодоход энэ журмыг мөрдөнө.

2.     Ажил , үйлдвэрлэлийн онцлогийг харгалзан тодорхой хугацаанд буюу оргил ачаалалын (тухайлбал ургац хураах , хадлан тэжээл бэлтгэх, мал нядлах , хээрийн нөхцөлд нүүдэллэн явж худаг , ус гаргах , засварлах , ашигт малтмал ашиглах, хайгуул хийх , зам засах , барилгын угсралт, засварын ажил хийх , богино хугацаанд их хэмжээний ажлын захиалга биелүүлэх болон эдгээртэй адилтгаж болох цаг үеийн, улирлын чанартай ажил эрхлэх) үед ажлын өдрийн үргэлжлэлийг уртасган тогтоож , Хөдөлмөрийн тухай хуулийн 70.2 –т зааснаас хэтрүүлэн ажилласан ажлын цагийг оргил ачаалалын бус үед ажилтныг нөхөн амраах замаар зохицуулахад ажлын цагийг нэгтгэн бодох журмыг хэрэглэнэ.

3.     Ажлын цагийг нэгтгэн бодож тооцох асуудлыг хөдөлмөрийн дотоод журам, хамтын гэрээнд тусгана.

4.     Ажлын цагийг нэгтгэн бодож тооцох хугацаа , ажлын өдрийн үргэжлэх цагийг тухайн ажил олгогчийн тушаалд тодорхой дурьдсан байна.

5.     Оргил ачаалалын үед ажлын өдрийн үргэжлэлийг 12-оос илүүгүй цагаар тогтооно.

6.     Оргил ачаалалын үед жинхэнэ ажилласан цагийг тооцохдоо тухайн хцгацаанд жинхэнэ ажилласан өдрийн тоог ажлын өдрийг уртасган тооцсон цагаар үргэлжлүүлж тодорхойлно.

Нэгдүгээр жишээ: “Д”  компаний захирлын тушаалд оргил ачаалалын хугацааг 8 сарын 15-ны өдрөөс 10 сарын 1-ний өдрийн хооронд байхаар зааж ажлын өдрийн үргэлжлэлийг 12 цагаар тооцсон гэвэл уг хугацаанд ажилласан цаг нь /46 өдөр Ñ… 12 цаг=522 цаг/ 522 цаг болно.

7.     Оргил ачаалалын үед ажлын цагийг хэтрүүлэн ажиласан цагийг тодорхойлохдоо жинхэнэ ажилласан цагийн нийт дүнгээс тухайн хугацааны ердйин ажлын үргэлжлэлээр тооцсон ажлын цагийг хасна.

Хоёр дугаар жишээ: Нэг дүгээр жишээнд ажилтан “А” 8 дугаар сард ажлын 12 өдөр , 9 дүгээр сарын ажлын 22 өдөр , бүгд 34 өдөр  ажилласан байх ба ердийн ажлын үргэлжлэл /8 цаг /-аар тооцоход тооцоот хугацааны ажлын цаг нь /34 өдөр Ñ… 8 цаг = 272 цаг / 272 болно. Тэгвэл тооцоот хугацаанд буюу ажлын цагийг нэгтгэн бодоход хэтрүүлэн ажилласан бүх цаг нь /522 цаг – 272 цаг = 250цаг/ 250 цаг болно.

8.     Тооцоот хугацааны ажлын цагийн фондоос хэтрүүлэн ажилласан цагийг оргил ачаалалын бус үед дараахь байдлаар зохицуулна.

                                а/ Ачаалал багатай үед ажлын өдрийн үргэлжлэлийг богиносгох

                                 б/ Долоо хоногийн ажлын өдрийн тоог цөөрүүлэх

                                 в/ Ээлжийн амралт дээр нэмэгдэл амралт олгох

                                 г/ Сул зогсолт гарвал өмнөх хугацаанд хэтрүүлэн ажилласан цагт нь тооцож нөхөн амрааж болно.

 

9.     Тооцоот хугацааны ажлын цагийн фондоос хэтрүүлэн ажилласан цагаа бүтнээр , эсвэл тодорхой хэсгийг нь биеээр нөхөн амралтгүйгээр ажиллах хүсэлтээ албан ёсоор гаргасан ажилтныг ажил олгогч ажиллуулж болно.

10.   Тооцоот хугацааны ажлын цагийн фондоос хэтрүүлэн ажилласан цагийг энэ журмын 8-д зааснаар нөхөн амруулахаар зохицуулж чадаагүй, 9-д дурдсанаар биеээр нөхөн амруулаагүй тохиолдолд хэтрүүлэн ажилласан цагт ноогдох цалин хөлсийг Хөдөлмөрийн тухай хуулийн 53 дугаар зүйлд заасан нэмэгдэл хөлсний хэмжээг хамтын ба хөдөлмөрийн гэрээгээр тогтооно.

Гурав дугаар жишээ: хоёр лугаар жишээнд дурдсан ажилтан “ А ” мэргэжлийн 4 дүгээр зэрэгтэй мэргэжлийн зэргийн цагийн тариф цалин нь 426 төгрөг ба түүний тооцоот хугацаанд ажлын цагаас хэтрүүлэн ажилласан 250 цагийн 40 цагийг ажлын өдрийн үргэлжлэлийг богиносгох ,70 цагийг долоо хоногийн ажлын өдрийг цөөрүүлэх , 60 цагийг нэмэгдэл амралт олгох хэлбэрээр зохицуулахад /250-/40+70+60/=80 цаг / үлдсэн 80 цагийн цалин хөлсийг тухайн ажилтны мэргэжлийн зэргийн тарифт цалинг 1,5 дахин нэмэгдүүлэн олгох тохиолдолд ьүүнд 80 х / 426 төг х 1,5 /= 51120

төгрөг олгоно.

Энэ тооцоог урьдчилгаа цалин хөлс олгоогүй тохиолдлыг сонгож хийсэн болно.

11.   Ажлын цагийг нэгтгэн бодох журмыг мөрдөж байгаа үед нийтээр амрах баярын болон долоо хоног бүрийн амралтын өдөр ажилласан ажилтныг нөхөн амруулаагүй бол Хөдөлмөрийн тухай хуулийн 52,53 дугаар зүйлд зааснаар цалин хөлсийг олгоно.

12.    Ажлын цагийг нэгтгэн бодох журмыг мөрдөж ажилласан бол ажлын цагийн тооцоог тухайн жилд нв багтаан хийнэ.