Монгол Улсын Засгийн газар Япон Улстай өндөр, дээд хэмжээний айлчлалын давтамжийг хадгалах, улстөрийн яриа хэлэлцээг тогтмолжуулах, харилцан ойлголцлыг гvнзгийрvvлэхийн төлөө байна. 2007 онд "Монгол, Японы хамтын ажиллагааны 10 жилийн Vндсэн хөтөлбөр" байгуулсан нь хоёр орны харилцааг шинэ шатанд гаргахад чиглэсэн чухал алхам болсон билээ. Японы зээл, тусламж Монгол Улсын ардчилал, шинэчлэлийг гvнзгийрvvлэхэд төдийгvй, орчин vеийн хөгжлийн суурийг тавихад шийдвэрлэх vvрэг гvйцэтгэснийг манай ард тvмэн өндөр vнэлдэг. Өнөөгийн санхvv, эдийн засгийн хямралыг даван туулахад Япон Улсын Засгийн газар ОУВС-гийн хөтөлбөрийн хvрээнд 50 сая ам.долларын зээл, 60 сая ам.долларын буцалтгvй тусламж олгохоор шийдвэрлэсэнд талархаж байна гэв. Айлчлалын vеэр талууд хоёр улсын Засгийн газрын холбогдох байгууллагууд ураны нөөцийг ашиглах, хөрөнгө оруулалтын таатай орчинг бvрдvvлэх, боловсон хvчин бэлтгэх зэрэг асуудлыг тусгасан "Цөмийн эрчим хvч, ураны салбарт хамтран ажиллах тухай санамж бичиг"-т гарын vсэг зурав. Талууд цаашид тус салбарын хамтын ажиллагаа vр ашигтай хөгжинө гэдэгт итгэж буйгаа тэмдэглэв. Vvнтэй холбогдуулан монголын тал ураны нөөцөө ашиглахдаа Японтой хамтран ажиллах, японы компаниудыг идэвхтэй оролцуулах хvсэлтэй буйгаа илэрхийлэв. Мөн талууд хоёр орны улстөр, эдийн засаг, соёл зэрэг бvхий л салбарын хvн солилцоог өргөжvvлэх зорилгоор идэвхтэй ажиллахаар тохиролцжээ. Энэ хvрээнд японы тал ирэх гурван жилд Монголоос 1000 орчим залуусыг Япон улсад айлчлуулах санал гаргасныг монголын тал талархан хvлээн авав. Талууд хоёр орны иргэд хоорондын харилцаа цаашид идэвхтэй хөгжихийг хvсч байгаагаа илэрхийлж, энэ зорилгоор монголын тал ойрын ирээдvйд Япон Улсын иргэдийг Монгол Улсад визгvй зорчих нөхцөлийг бvрдvvлэх чиглэлээр шамдан ажиллахаа илэрхийлэв. Японы тал vvнийг таатайгаар хvлээн авч, өөрийн зvгээс визтэй холбоотой арга хэмжээнvvдийг зvй зохистой хэлбэрээр хэрэгжvvлэхээ илэрхийлсэн байна.