Гайхалтай нь, моодонд орж буй мэргэжлийн нэг нь олон хөдөлгүүртэй, худалдааны онгоцны нисгэгч гэнэ. Үүнээс гадна уг мэргэжил олон мянган эрчүүдийн мөрөөдөл болдог аж. Энэ нэр хүндтэй суудлыг эзлэхийн тулд 250 цагийн нислэгийн туршлага, дээр нь Үндэсний агаарын тээврийн газраас олгосон нисгэгчийн эрхийн үнэмлэх байх шаардлагатай. Худалдааны нисэх онгоцны нисгэгч нар зуугаас илүү цаг нисдэггүй тул бүр ч амар байдаг байна. Мөн цалин өндөр гэж байгаа.

Хүн идэхийн тулд амьдардаг бол зарим нэг нь хоол хийхийн тулд амьдардаг. Тийм хүмүүсийг ахлах тогооч гэж нэрлэдэг. Хоёр дахь моодны мэргэжил бол яах аргагүй томоохон зоогийн газрын ахлах тогооч. Тэдний ажил зүгээр нэг үүргээ гүйцэтгээд зогсохгүй, мөн шинийг сэтгэж, зогсолтгүй хөдөлмөрлөх явдал аж. Нэртэй зоогийн газарт ахлах тогоочийг бурхан мэт хүндэлнэ.

Үүнээс дутахгүй бүтээлч, сонирхолтой мэргэжил бол кино найруулагч. Энд л урам сэтгэмж, зөгнөл биеллээ олох боломжтой гэж үздэг. Нэгэнт кино найруулагч болсон бол та киног ямар зохиолоор бичих, ямар жүжигчид тоглох, киноны алба хэрхэн ажиллах ёстой зэргийг бие даан шийдвэрлэх боломжтой болно. Нөгөөтэйгүүр кино найруулагчийг сургах тодорхой арга зам байхгүй. Кино урлагийн талаар өргөн мэдлэгтэй, кино хэрхэн хийдгийг сайн мэддэг бол заавал дээд боловсрол шаардаад байдаггүй. Харин дэлхий ертөнцөд юу болж байгааг соргогоор ажиллаж чаддаг авьяас зайлшгүй чухал. Цалин хөлний хувьд хэр сайн ажилласнаас шалтгаална.

Дараагийн мэргэжилд өрсөлдөх хүн огт өөр чанарыг агуулдаг байх хэрэгтэй. Телевизийн мэдээний хөтлөгч. Хэрэв та байнгын хөдөлгөөн, ачаалал, графикгүй цагийн хуваарь, гадаад үзэмж сайтай, хэлний мэдлэг өндөр, хүчтэй хоолойтой бол энэ мэргэжил танд тохирно. Энэ мэргэжил ялангуяа Америкт их нэр хүндтэй бөгөөд цалин нь 37000-123000 ам.доллар байдаг.

Хамгийн сүүлд загвар өмсөгч мэргэжил энэ жагсаалтаас холуур өнгөрч чадсангүй. Хөдөлмөрийн биржийн статистик судалгаагаар 2014 онд загвар өмсөгч¬дийн ажил эрхлэлт одоогийн түвшинээс 10-20 хувь нэмэгдэх аж. Хэрэв та чийрэг биетэй, олон цагаар зогсч ажиллах чадвартай, бие галбир сайтай нь дээр сэтгэлийн тэнхээтэй хүн бол энэ мэргэжилд тэнцэнэ. Америк, Европын загвар өмсөгчид 500-5000 ам.долларын цалинтай байдаг. Магадгүй та Наоми Кэмпбэлл зэрэг томоохон одууд шиг хоёр хоромын дотор сая доллар халаасладаг болох ч юм билүү.