Бид урин хаврыг тэсэн ядан хүлээдэг. Ядаж олон давхар хувцсаа нимгэлэхсэн гэж хүснэ. Бүх амьд амьтан сэргэдэг цаг үе. Гэхдээ хавар цагт хүний архаг хууч сэдрэх нь бий. Хаврын улиралд ядаргаанаас сэргийлж, амин дутагдлыг хэрхэн нөхөж авах вэ? 

Шалтгаангүйгээр ядрах, нойр хүрч нозойрох, харшил өгөх, гуниг гутралд автах гэх мэтийн тааламжгүй өөрчлөлт явагдах нь бий. Энэ бүхэн нь өвлийн дараа эрч хүч дутагдах, орчин тойронд болж буй өөрчлөлтөд бие организмын өгөх реакцтай холбоотой юм.

Бие организмыг хаврын улиралд дасгахын тулд;

• Биеийн дасгал хий. Гэхдээ спортын огцом хүнд төрөл биш.
• Алгуур биеэ бэлтгэ. Хүйтэн бус бүлээн шүршүүрт орвол үр дүнтэй.
• Хүйтэн ус нь эсийг цочмог сэргээдэг тул хавар тохиромжтой биш.
• Тодорхой цагт унтаж амрах хэмнэлийг баримтал.
• Өвлийн туршид хэрэглэж байсан илчлэг ихтэй хоол хүнсээ багасга.
• Ó¨Ó©Ñ… тос, илчлэг хоолноос огцом татгалзах хэрэггүй. Хэмжээгийн алгуур багасгаж, жимс ногоо, цагаан идээ түлхүү хэрэглэ.
• Шингэн зүйл сайн ууж, бие дэх хорт бодисыг гадагшлуул. Энэ нь хаврын цагт нэн чухал
• Бие организмд шаардлагатай витамин, поливитамин хэрэглэхэд тохиромжтой үе.
• Хар шоколад ойр ойрхон бага хэмжээгээр идэхэд зүгээр. Хар шоколад нь эрч хүчийг сайн нөхдөг.
• Бясалгалд яв. Энэ цаг үед бясалгал хийх нь маш сайн. Дотоод эрч хүчээ зөв тархаахад  Ñ‚устай.