Бүх салбарын удирдагчдын дунд 10 жилийн турш хийсэн судалгаагаар тэдний зөвхөн 10% нь зорилгодоо хүрэхийг чухалчилан ажилладаг гэж тогтоожээ. Үлдсэн 90% нь зорилгогүй ажил үүргээр өөрийгөө завгүй болгох, ажлаа хойш тавих эсвэл ажлаа хэрэгцээгүй зүйлсээр сольдог байна. 

Зохиолч Heike Bruch, Sumantra Ghoshal нар өөрсдийн судалгаандаа тулгуурлан “Хэрхэн үр өгөөжтэй удирдагч бэлтгэх вэ?” "Амжилтын үр дүн ", "Бүү цаг үр”, “Харвард Бизнес Сургууль” гэх мэт номууддаа бүх төрлийн салбарын удирдагч нарын зан төлвийг илэрхийлсэн.

Бараг 90%-с дээш хувийн удирдагчид өдөр бүрийн үйл хэрэгтээ зорилго тавьдаггүй болохыг олж тогтоосон байна. Тэд удирдагчдын зан төлвийг анхаарал төвлөрөл – (өндөр, бага) ба эрч хүч – ( их, бага) гэж дөрөв ангилсан байна.

 

Анхаарал төвлөрөл өндөр , эрч хүч ихтэй - Удирдагчдыг зорилготой удирдагчдаар тодорхойлсон бол Анхаарал төвлөрөл өндөр , эрч хүч багатай -  Удирдагчид аливаа зүйлд хамааралгүй харагддаг харин Анхаарал төвлөрөл бага, эрч хүч өндөр -  Удирдагч нар бодлогогүй мэт бол Анхаарал төвлөрөл бага , эрч хүч багатай - Удирдагч нар сунжирсан хүмүүс байдаг гэж дүгнэжээ.

 

БОДЛОГОГҮЙ: Энэ нь нийт удирдагч нарын 40% нь бөгөөд давагдашгүй зорилготой өдөр бүр нүүр тулж байдаг. Тэд эрч хүчтэй боловч анхаарал төвлөрөл байдаггүй. Тэднийг яаруулах нь болчимгүй байдалд хүргэдэг. Хэрэв тэд жинхэнэ зүйлд төвлөрөн чармайлт гаргаж чадвал илүү амжилтад хүрч чадна.

 

СУНЖИРСАН: Нийт удирдагчдын 30% - Тэд байгууллагынхаа чухал хэрэгцээт ажлыг сунжруулдаг. Тэд эрч хүч, анхаарал хоёроор дутагддаг. Байгууллагадаа хэрхэн өөрчлөлт хийж болох талаар бодохын оронд үл ялиг зүйлсээр хөөцөлддөг.

 

ҮЛ ХАМААРАГЧ: Удирдагчдын 20% - Ажлаа орхидоггүй. Тэд анхаарлаа төвлөрүүлж чаддаг ч эрч хүч дутагддаг. Тэд хөндий хүйтэн, түгшүүртэй, үл тоомсорлосон харагддаг.

 

ЗОРИЛГОТОЙ: Нийт удирдлагуудын ердлөө 10% - Тэд анхаарал төвлөрөл өндөр, эрч хүчтэй, эргэцүүлсэн, эмх цэгцтэй байдаг

 

Бодлогогүй удирдагчид ихэвчлэн богино бодолтой байдаг. Тэд баригдмал, цөөн эх сурвалжийг ашигладаг. Үр дагавар нь тэд хааяа л тунгаан боддог ба удаан хугацаанд шийдвэрлэх асуудлыг тоохгүй орхидог. Бодлогогүй удирдагчид сайн хүсэл эрмэлзлэлтэй боловч амархан цөхөрдөг.

 

Зорилготой удирдагч нараас бусад удирдагч нар юугаараа ялгаатай юм бол? Сэтгэлийн тэнхээ эрч хүч болон өндөр анхаарал төвлөрөл эмх цэгц, тодорхой зорилго үйл ажиллагааг удирдах сатаарах зүйлгүй байдал нь бусдаас ялгарах гол онцлог байдаг. Хэдийгээр тэд ажлаасаа урам авахгүй, бусад зүйлсэд хөтлөгдсөн ч гэсэн тэд сэтгэлийн тэнхээ, тодорхой зорилготой байдаг учраас эрч хүчтэй анхааралтай хэвээр байдаг.

---

Эх сурвалж: Монголын Хүний Нөөцийн Институт | #HumanCapital сэтгүүл 12/08-P40-41