“Ерөнхий менежер болон төрийн жинхэнэ албаны удирдах албан тушаалд томилогдсон хүмүүсийн манлайлах ур чадварыг хөгжүүлэх” стратегийн зорилтыг хэрэгжүүлэх талаар “Суралцагч байгууллагыг хөгжүүлэх манлайлал сэдэвт сургалтын хөтөлбөрийг хэрэгжүүлэх тухай” Засгийн газраас 2007 оны 168 дугаар тогтоолыг батлан гаргасан.
Уг тогтоолд Монгол улсын төрийн албаны зөвлөлөөс Шведийн Төрийн захиргааны олон улсын институт (SIPU International)-тэй хамтран хэрэгжүүлж байгаа “Суралцагч байгууллагыг хөгжүүлэх манлайлал” сэдэвт сургалтын хөтөлбөрт эрхлэх асуудлынхаа хүрээнд үйл ажиллагаа эрхэлж байгаа төсвийн байгууллагын ерөнхий менежерүүдийг хамруулан суралцуулах арга хэмжээ авахыг Засгийн газрын гишүүд, аймаг нийслэлийн Засаг дарга нарт даалгасан байна.

Энэхүү төслийн ерөнхий зорилго нь иргэдийнхээ хэрэгцээ шаардлагыг хангахад чиглэсэн, иргэдэд ойр, өөрчлөгдөж буй нөхцөл байдалд уян хатан ханддаг, цомхон, чадварлаг, үр дүнд чиглэсэн, идэвхтэй, санаачилгатай бөгөөд манлайлагч менежер бүхий төрийн албыг төлөвшүүлэх замаар Монголын төрийн албаны менежментийг манлайллын чиглэлээр хөгжүүлэхэд хувь нэмэр оруулахад оршино.

“Суралцагч байгууллагын манлайлал” сэдэвт сургалтын хөтөлбөрт улсын хэвшлийн байгууллагуудын 3000 орчим менежерийг хамруулан сургах нь төслийн үндсэн зорилго юм.