МЕНЕЖМЕНТ
Та шинэ ажилтан ажилд авах болон өмнөх ажилтнаа дэв ахиулахдаа дараах ЗАН ТӨЛӨВ-үүдийн алийг нь илүү чухалчилдаг вэ?
Нээлттэй байдал
10.51%
Үнэнч байдал
17.51%
Өрсөлдөх чадвар
20.77%
Бусадтай нийцэх байдал
23.67%
Гадагшаа чанар
0.97%
Ёс суртахуун
20.77%
Өөдрөг үзэл
5.80%
HRM- Сонгон шалгаруулалт
- 2008 / 11 / 03
Хүний нөөцийн асуудлаа гадны байгууллагаар гүйцэтгүүлэх


Жижиг бизнесүүдэд тохирсон улам бүр түгээмэл болж буй нэг хувилбар нь хүний нөөцийн үүрэг хариуцлагыг Мэргэжлийн ажил олгогч байгууллагаар гүйцэтгүүлэх явдал байдаг. Эдгээр компани нь нэг их нэмэгдэл зардалгүйгээр янз бүрийн туслах үйл ажиллагаа явуулдаг хүний нөөцөөр мэргэжсэн байгууллага байдаг. Тэдгээр байгууллага нь засгийн газрын дүрэм журмын хэрэгжилт, ажил олгогчийн хариуцлагын менежмент, цалин хөлсний сан, ажил эрхлэлтийн удирдлага, ажилд бүртгэх, сургалт, хөгжил зэрэг хүний нөөцийн чиглэлийн төрөл бүрийн үйлчилгээг үзүүлдэг.

Эдгээр үйлчилгээг үзүүлэхийн тулд, Мэргэжлийн ажил олгогч байгууллага тухайн бизнес болон түүний ажилтнуудтай хамтын хөдөлмөрийн харилцаанд орох ёстой. Энэхүү гэрээт харилцааны дагуу Мэргэжлийн ажил олгогч байгууллага ажил олгогчийн олон үүрэг хариуцлага, эрсдэлийг өөртөө хүлээн авах, хуваалцах боломжтой болдог. Мэргэжлийн ажил олгогч байгууллага ажил эрхлэлтийн удирдлагын үүргийг хариуцаж, бизнесийн эзэнд ашгаа нэмэгдүүлэх үр бүтээлтэй арга зам дээр төвлөрөх цаг зав өгдөг.

Мэргэжлийн ажил олгогч байгууллагын үйлчилгээ

Мэргэжлийн ажил олгогч байгууллагын үйлчилгээ нь хүний нөөцийн төрөл бүрийн үүргийг хамардаг:
  • Тэтгэлэг тусламжийн менежмент - Мэргэжлийн ажил олгогч байгууллагууд гол ажилтнуудыг татаж, барьж байх урамшуулал болох тэтгэлэг тусламжийн тогтвортой төлөвлөгөөг өрсөлдөхүйц түвшинд бэлтгэхийн тулд масштабтай эдийн засгийг хэрэглэдэг. Энэ нь жижиг бизнест эрүүл мэнд, шүд, хараа, хөдөлмөрийн чадвараа алдах, амь насны даатгал, боловсролын нөхөн төлбөр, ажилтанд туслах төлөвлөгөө зэрэг төлж чадахааргүй байсан тэтгэлэг тусламж санал болгох боломж өгдөг.

  • Засгийн газрын дүрэм журмыг дагаж мөрдөх - Мэргэжлийн ажил олгогч байгууллага нь засгийн газрын байнга өөрчлөгддөг ажил эрхлэлттэй холбоотой дүрэм журмын өөрчлөлтийн талаар мэдэж байхад таны бизнест тусална.

  • Ажил олгогчийн хариуцлагын менежмент - Мэргэжлийн ажил олгогч байгууллага нь таны ажил олгогчийн үүргийг үр дүнтэй хариуцаж ажилласнаар таны үнэт бизнест учрах эрсдэл, хариуцлагыг багасгадаг. Мэргэжлийн ажил олгогч байгууллага нь ажилчдын нөхөн олговор, нэхэмжлэлийн шийдвэр, аюулгүй байдлын хяналт, бодлого боловсруулалт, ажилгүйдлийн нэхэмжлэл, ажилтны гарын авлага, боловсон хүчний удирдамж, цуцлах тусламж зэрэг маш олон зүйлд тусалж чадна.

  • Цалин хөлсний сан ба ажил эрхлэлтийн удирдлага - Мэргэжлийн ажил олгогч байгууллага нь цалин хөлсний сан, цалингийн татвар, цалингийн суутгал, улирлын тайлан, ажил эрхлэлтийн шалгалт, хүний нөөцийн удирдлагын тайлангийн үүргийг хууль ёсоор хариуцаж чадна. Эдгээр үүрэг хариуцлагыг гүйцэтгүүлэхэд Мэргэжлийн ажил олгогч байгууллагыг ашигласнаар та бизнестээ илүү их цаг зарцуулах боломжтой болно.

  • Ажилд авах, сонгох - Мэргэжлийн ажил олгогч олон байгууллага ажлын байрны тодорхойлолт хийж, зар бичиж, тавьж, товч намтрыг хянан үзэж, ажилд орохыг хүсэгчдийг сорьж, тэдэнтэй ярилцлага хийж, шалгалт явуулж чадна.

  • Сургалт ба хөгжил - Мэргэжлийн ажил олгогч сайн байгууллага танай сургалтын хэрэгцээг шинжилж, ажилтны гүйцэтгэл, бүтээмжийг дээшлүүлэхэд тохирох сургалтаар хангаж чадна.
Бизнестээ тохирох Мэргэжлийн ажил олгогч байгууллага сонгох

Аливаа гадны байгууллагыг хөлслөх гэрээтэй адил, таны бизнесийн хэрэгцээнд нийцэх байгууллага олохын тулд хэд хэдэн Мэргэжлийн ажил олгогч байгууллагыг харгалзан үзэх хэрэгтэй. Таны анхаарах хүчин зүйлүүдэд дараах зүйлс орно:
  • Хэр үнэтэй байх вэ? Мэргэжлийн ажил олгогч байгууллага ямар үйлчилгээ санал болгодог, эдгээр үйлчилгээ нь үндсэн үнэд багтдаг эсвэл нэмэлт зардал гэж тооцогддогийн аль нь болохыг тогтоо.

  • Тухайн Мэргэжлийн ажил олгогч байгууллага санхүүгийн хувьд хүчтэй юү? Тоймлон үзэж байгаа компаниудынхаа чадвар, чадавхийг шалга. Тэдний санхүү нь зохих ёсоороо байна уу? Банкаа сонгохтой адилаар Мэргэжлийн ажил олгогч байгууллагаа сонго. Та хамт ажиллахад найдвартай санагдах тогтвортой, сайн ажиллагаатай компани хайх хэрэгтэй.

  • Итгэлтэй байдлыг тогтоо. Мэргэжлийн ажил олгогч байгууллага энэ бизнесийг маш удаан эрхэлсэн үү? Тэд нэр хүндтэй юү? Тэднийг энэ салбарт яаж үнэлдэг вэ?

  • Худалдан авагчдад зориулсан үйлчилгээний талаар асуултууд тавь. Тэдний үйлчилгээ хэрхэн хэрэгждэг вэ? Танд асуух зүйл байвал хэн танд туслах вэ? Хэрэв тэдэнд худалдан авагчдад зориулсан үйлчилгээний судалгааны үр дүн байвал түүнийг нь авч үз.

  • Тэд технологийн ямар чадваруудтай вэ? Өнөөдөр технологи Америкт бизнес хийхэд хамгийн чухал зүйлүүдийн нэг болсон. Тэд хамгийн сүүлийн үеийн технологийг ашигладаг уу? Танд таатай цагтаа тэдэнтэй харилцах боломж өгдөг интернетийн чадвар тэдэнд бий юү?

  • Одоогийн болон урьд өмнөх үйлчлүүлэгчдээс нь тухайн байгууллагын талаар асуу. Мэргэжлийн ажил олгогч байгууллага бүрийн сайн болон сул талыг мэдэж ав.

Copyright © 1995-2008, American Express Company. All Rights Reserved.
Танд энэхүү мэдээлэл таалагдаж байвал Like дараарай!
Сэтгэгдэл бичих
- 2020 / 02 / 21
Оновчтой сонгон шалгаруулалт хийхийн үндэс нь сайн "бүрдүүлэлт" байдаг. Гэвч бүрдүүлэлтийн явцад бид "хуурамч улаан зангиатан"-дыг сонгон шалгаруулалтанд оруулж, улмаар багийн гишүүн болгох эрсдэл байдаг.
Зан төлөв гэдэг нь үнэт зүйл, үзэл бодлын хэв маяг, чин сэтгэл, хандлага, сэдэлжилт гэх мэт өргөн хүрээг хамарсан ойлголт юм.
- 2020 / 02 / 15
TAIPI гэдэг нь тухайн бие хүн байгууллагад болон хариуцсан ажил үүрэгтээ тохирох эсэх талаар бие хүний зан төлвийн үзүүлэлтийг тодорхойлдог тест юм. Сонгон шалгаруулалтын TAIPI тестээр та өөрийн байгууллагад ажиллахад болон тухайн ажилд тохирсон зан төлөвтэй хүн мөн эсэхийг тодорхойлон таамаглах боломжтой болно.
- 2020 / 02 / 14
-2020 / 02 / 12
Зан төлөв - Энэ бол хувь хүний бодит, тогтвортой сэтгэц зүйн үзэгдлийн нийлбэр цогц бөгөөд тухайн хүний хүрээлэн буй орчинд хандах хандлага, биеэ авч явах байдлаар илэрнэ. Грек хэлнээс орчуулахад " зан төлөв " гэдэг нь онцлог шинж гэсэн утгыг илэрхийлнэ. Сэтгэц зүйн үзэгдлийн онцлогууд нь байнга үүсч, тухайн хүний биеэ авч явах хэлбэрийг тодорхойлж байх нөхцөлд л зан төлвийн онцлог болно. Гурван шаардлагад /Тодорхой илэрхийлэх, нягт уялдаа холбоотой байх, үйл ажиллагааны бүхий л хэлбэрт тусгалаа олох / нийцсэн тохиолдолд л хувь хүний онцлог шинжээс зан төлөвийн бүхий л онцлогууд бий болох боломжтой.
-2020 / 02 / 12
Гадаад оронд салбартайгаар үйл ажиллагаагаа явуулж байгаа компаниуд олон улсын түвшинд хүний нөөцөө бүрдүүлэх гурван эх үүсвэр байдаг. Олон улсад эдгээр ажилтнуудыг Expatriate managers /гадаадын менежерүүд/ гэж нэрлэдэг. Товчоор Expats гэж дуудна. Гадаад салбаруудад өөрийн менежерүүдийг ажиллуулах хоёр шалтгаан байдаг.
-2020 / 02 / 11
Ажлын ярилцлагад амжилттай орно гэдэг нь зөвхөн асуусан асуултад хариулах үйлдэл биш юм. Ажлын ярилцлагын үед л ажил горилогч өөрийгөө хэн бэ гэдгээ бүрэн таниулах, харин ажил олгогч нь өөрийн мэргэжлийн ур чадварын тусламжтайгаар тухайн хүнээ цаана нь гартал судлах боломжтой байдаг учраас ярилцлагад орно, ярилцлага хийнэ гэдэг нь маш хариуцлагатай, хамгийн чухал үе шат юм. Тиймээс ажлын ярилцлагын үед юунд анхаарах талаар Монголын Хүний Нөөцийн Институтийн мэргэжилтнүүд дараах практик зөвлөмжүүдийг хүргэж байна.
HR Фото