Монгол түмний хөгжихийн үндэс, дэлхийн хөгжлийг төрөлх сайхан орондоо өөриймшүүлэн дасгах их үйл хэрэгт шамдан хөдөлмөрлөж байгаа  Монголын Хүний Нөөцийн Институтээс  зохион байгуулсан Хүний нөөцийн анхдугаар форум амжилттай болж өндөрлөлөө.
Бидний явуулж буй үйл ажиллагааг дэмжиж, улам ихийг бүтээх урам зориг хайрласан эрхэм зочид та бүхэндээ чин сэтгэлээсээ  талархал илэрхийлэхийн ялдамд, бидний цаашдын хамтын ажиллагаа улам өргөжин тэлнэ гэдэгт гүнээ итгэж байна.

Нийслэл хотод анхны хур бууж цэнгэг сэрүүн агаар үнэртсэн өдөр "Туушин" ХХК-ийн дээд, дунд шатны удирдлагуудад зориулсан “Удирдах ажилтны үүрэг болон баг бүрдүүлэлт” сэдэвт сургалт олон улсын “Найрамдал” төв дээр амжилттай зохион байгуулагдлаа. Аливаад баг болж бүтээлчээр хандаж сурсан “Туушин”-ийнхан сургалтыг улам хүчтэй үр дүнтэй болгож байлаа. Та бүхэндээ ажлын амжилт сайн сайхан бүхнийг хүсэн ерөөе.