Олон ажлын байрны талаар мэдээлэл цуглуулж буй тохиолдолд асуулгыг ажил эрхлэгчээр бөглүүлж, түүнийг шууд удирддаг албан тушаалтанаар баталгаажуулах нь зүйтэй. Асуулга нь цэвэр баримт фактын шинжтэй мэдээллийг тэмдэглэн авч лавшруулан судлах шаардлагатай гэсэн асуудлыг урьдчилан цэгцэлж бэлтгэх боломж олгодог тул хүн нэг бүртэй хийх ярилцлагын цагийг хэмнэнэ.

Асуулга нь дараах үндсэн мэдээллийг өгч байх ёстой.

• ·         Ажил эрхлэгчийн ажлын байрны нэр
• ·         Ажил эрхлэгчийн менежер эсвэл шууд харъяалан удирдах албан тушаалны ажлын байрны нэр
• ·         Ажил эрхлэгчид шууд харъяалагдах ажилтнуудын ажлын байрны нэр, тоо/зохион байгуулалтын бүдүүвчээр харуулах нь илүү тохиромжтой
• ·         Ажлын байрны ерөнхий гүйцэтгэх үүрэг зорилгын талаар товч тодорхойлох/1-2 өгүүлбэр/
• ·         Ажил эрхлэгчийн хийж гүйцэтгэх үндсэн зорилт, биелүүлэх үүргийн жагсаалт, тэдгээр зорилтыг гүйцэтгэх давтамж
• ·         Хяналт удирдлагад нь байх нөөц
• ·         Ашиглагддаг тоноглол хэрэгсэл

Ажил эрхлэгчийн өгсөн мэдээллийг түүнийг харъяалах албан тушаалтнаар хянуулах ба ажил эрхлэгчтэй нэмэлт ярилцлага хийж тодотгоно. Асуулга нь ажил эрхлэгчид ажлынхаа тухай сэтгэгдлээ илэрхийлэх боломж олгодог бөгөөд ярилцлага өрнүүлэхэд аятай удиртгал болж өгдөг.

   Асуулга нь ажлын байрны талаар дараах зүйлийг хамарсан байж болно. Үүнд:

·         Ажил гүйцэтгэхэд тавигддаг удирдлагын хяналтын түвшин болон шийдвэр гаргахад эдэлдэг эрх хэмжээний түвшин

·         Шийддэг гол асуудал, тийнхүү шийдэхэд өгөгддөг удирдамж буюу чиглэлийн хэмжээ хүрээ

·         Гүйцэтгэх зорилтын нарийн төвөгтэй байдал

·         Ажил гүйцэтгэхэд шаардагдах мэргэшил ур чадвар