Байгууллагын соёлыг хөгжүүлэх, дүр төрхийг бий болгох тун амаргүй. Харин нэгэнт бий болчихсон байгууллагын дүр төрх /имидж/ эргээд хүмүүсийг тэр байгууллагад татах нэг чухал хүчин зүйл болж хувирна. Байгууллагын соёл, дүр төрх нэр хүндтэй их нягт холбоотой зүйл. Хэрэв байгууллага ямар нэг буруу үйлдэл хийж нэр хүндээ алдах юм бол энэ нь эргээд соёл, дүр төрхөд шууд сөргөөр нөлөөлнө. Байгууллагын удирдлага энэ чиглэлийн судалгаа хийх замаар сул болоод давуутай талуудыг мэдэж цаашид аль хэсэгт гол анхаарлаа хандуулахыг төлөвлөгөөндөө тусгаж ажиллах шаардлагатай.