НҮБ-ын Олон улсын хө­дөлмөрийн байгууллага мэ­­дэгдэлдээ “Дэлхийн эдийн зас­гийн хэтийн тө­лөв тун бүрхэг байгаа энэ үед Азийн улс орнууд аль бо­­лох тогт­вор­той ажлын байр бий бол­­гохын зэрэгцээ ажлын байр­ны ча­нарыг сайжруулах шаард­ла­гатай байна. Энэ нь бүс нут­гийн хөдөлмөр эрх­­лэл­тийн сал­барыг сайж­руулахад том үүрэг гүйцэт­гэ­нэ” гэв. Азийн улс орнууд хүн ам оло­н­той ч ажлын байрны тоо хомс­дол­той байдаг нь ийм дүгнэлт хийх үндэс болжээ.
Олон улсын хөдөлмөрийн байгууллагын цааш мэдэгд­сэ­нээр Азийн орнуудад бий болж буй ажлын байрууд ца­лин хөлсний шударга бай­далд анхаарал тавих ёстой гэнэ. Эс тэгвээс ажлын байр бий болголоо ч ядуурал буу­рах­гүй төлөвтэй байна.
Дашрамд дурдахад ца­лин хөлсний шударга бай­далд анхаарал тавих гэдэг асуудал Монгол Улсад маш их хамааралтай гэдэг нь то­дорхой. Манай улсын Зас­гийн газар цалин хөлсийг то­дорхой хэмжээгээр нэмж бай­гаа ч ард иргэдийн сэтгэлд нийцэхээр хангалт­тай хэмжээнд биш байна. Энэ нь дотооддоо ажил­лах хүсэлтэй иргэдийн тоог эрс цөөлөх болсон нь нууц биш. Цалин хөлс хэт хангалтгүй байгаатай хол­боо­тойгоор манай улсын олон мянган иргэн Өмнөд Солонгос, Япон, АНУ гээд өндөр хөгжилтэй орнуудад цалин хөлс сайтай ажил хийхээр тэмүүлэх болсон. Хол­богдох албаныхны мэдэгдсэнээр одоогоор дан ганц Өмнөд Солонгост л гэ­хэд манай улсын 50 гаруй мян­ган иргэн ажиллаж, амь­дарч байна гэсэн тооцоо гар­чээ.
Албан ёсоор 50 мянга гэж байгаа ч бүртгэлгүй олон мянган иргэн, мөн л тус ул­сад ажиллаж байгаа нь то­дор­хой.
Энэ бол үнэхээр харам­сал­тай дүн мэдээ юм. Учир нь эдгээр хүмүүс улс ор­ныхоо төлөө ажиллаж, эдийн засагт хувь нэмрээ оруу­лах ёстой байтал Өмнөд Со­лон­го­сын эдийн засагт хувь нэм­рээ оруулж байна. Мэ­дээж хэрэг үүнд Өмнөд Со­лон­гост ажиллаж буй иргэ­дийг буруутгах ёсгүй. Үүнд өндөр цалинтай ажлын байр олноор бий болгож, иргэ­дээ эх орондоо ажиллах нөх­цө­лөөр хангаж чаддаггүй эрх ба­ригчид буруутай. Төсөвт олон тэрбум ам.доллар төв­лөрчихөөд байхад тэр мөн­гөө ажлын байр бий болго­ход зарцуулахын оронд элдэв хэрэггүй зүйлд зарлагадаж, үргүй зардал гаргаж буй нь харамсалтай.
Түүнчлэн Олон улсын хөдөлмөрийн байгууллагын үзэж буйгаар ажлын байр бий болгох ажил хангалтгүй байгаа нь Азийн эдийн засгийн өсөлтийг сааруулж буй гэнэ. Тэдний мэдэгд­сэ­нээр Австрали, Шинэ-Зе­ланд, Индонез, Филиппин зэрэг оронд ажлын байр бий болгох үйл явц маш хан­галтгүй байгаа аж. Ха­рин Шри-Ланк, Сингапур тэр­гүүтэй хэд хэдэн оронд энэ­хүү үзүүлэлт боломжийн түв­шинд байна.
Эцэст нь Олон улсын хө­дөлмөрийн байгуул­ла­гынхан Азид шинээр бий болж буй ажлын байрнуудын нөхцөл тун хангалтгүй байгааг шүүм­­жилжээ. Ажиллах нөх­цөл хангалтгүй байгаа нь ир­гэ­дийн эрүүл мэндэд тун сө­рөг нөлөө үзүүлж бай­гаа аж. Хамгийн гол нь ажил олгог­чид энэ тал дээр санаа тавьдаггүй нь ан­хаарал та­таж байна.