Компанийн тухай хуулийн шинэчлэлийн тайлбар, Эрх зүйгээр хамгаалагдсан хүчирхэг байгууллага сэдвээр хууль зүйн ухааны доктор, Монголын Хүний нөөцийн институтын зөвлөх С.Мөнхсайхан, Бүтээлч Хүмүүн баялагийг бий болгох, Ажлын байран дээрх бүтээлч хандлага сэдвээр Монголын Хүний нөөцийн институтын Ерөнхий захирал Д.Бартанбаатар, Бизнесийг хэн хийдэг вэ? Өрсөлдөх чадвартай компанийг бүтээн цогцлуулах арга зүй сэдвээр “Буян” ХХК-ийн Ерөнхий захирал Б.Жаргалсайхан, Компанийн нийгмийн хариуцлагын талаар Санхүү эдийн засгийн дээд сургуулийн захирал Д.Батжаргал, Компаний засаглал сэдвээр Компаний засаглалын хөгжлийн төвийн тэргүүн Ж.Үнэнбат, Эрсдлийн менежмент сэдвээр Мандал даатгалын Ерөнхийлөгч Ө.Ганзориг, Байгууллагын соёл ба, ёс зүйн зөв хандлагууд сэдвээр Монголын Хүний нөөцийн институтын гүйцэтгэх захирал С.Хурц зэрэг мэргэжилтнүүд хичээл заав.

Удирдах түвшний захирлуудад байгууллагынхаа өрсөлдөх чадварыг сайжруулж компанийхаа засаглалыг төлөвшүүлж, нийгэмдээ үр өгөөжтэй ажиллаж, амьдрах чадварыг эзэмшүүлэх зорилгоор салбартаа тэргүүлэгч хүмүүн баялаг болсон багш нар оновчтой чанартай мэдлэг мэдээлэл олгож байгаад оролцогчид болон багш нар ч сэтгэл өндөр байна.

 Д.Батжаргал: Санхүү эдийн засгийн дээд сургуулийн захирал
Монголын хүний нөөцийн институти   байгууллагын удирдлагуудад зориулсан сургалт  зохион байгуулж буйд талархаж байна. Эрдэм гэдэг бол аливаа юмс үзэгдлийг таньж мэдээд тэдгээрийг хийх аргачлалыг мэргэжлийн түвшинд сурч боловсроод өөртөө болон нийгэмдээ зөв үйл хэрэг хийж бүтээхийг “эрдэм” авна гэж нэрлэж байгаа юм. Тийм учраас эрдмийг түгээж байгаа бидний үйл маш өндөр хариуцлагатай байх ёстой. Компаний удирдлагуудад хэрэгтэй мэдээллийг түгээж байгаа Монголын Хүний нөөцийн институти ч мөн адил эрдэм түгээх их үйлсэд нэгдэж байгаад би баяртай байна. Та бүхний ажилд амжилт хүсье.


Б.Жаргалсайхан: “Буян” ХХК-ийн Ерөнхий захирал
 Монголын бизнесийн гол онцлог нь Монголчууд үйлдвэрлээд ажил хийгээд байхаас илүү оюунлаг байх ёстой. Оюунлаг залуучууд монголынхоо компаниудыг удирдах ёстой. Энэ оюунлаг үйлсийг дэмжиж захирлуудад зориулсан сургалт зохион байгуулж байгаа Монголын хүний нөөцийн институтид талархаж байна.