Гэхдээ тэр буруу гэнэ ээ. Бүгдэд нь сайн үнэлгээ тавиад байхад хэн нь сэтгэл дундуур үлддэг байна? Сайн ажилласан хүмүүс яг ийм юм болвол тунирхдаг гэнэ. Хичээж зүтгэж сар, бүтэн улирал, бүтэн жил ажиллачихаад байхад нь, чамлахааргүй амжилт, үр дүнг байгууллагадаа авчирчихаад байхад нь бусадтай яг адилхан авч үзвэл хүн гомддог. Өөр дээрээ нэг бодоод үзээрэй. Танд тэгж санагдах уу?

Ер нь бол гүйцэтгэл үнэлэхэд менежер хүний өмнө бүгдийг ижил үнэлж сайн ажилласан ажилтнуудаа гомдоох, эсвэл хүн бүрийг байгаагаар нь үнэлж тааруухан ажилласан зарим нэгийг нь гомдоох гэсэн хоёр сонголт байдаг аж. Эхний сонголтыг хийж сайн ажилласан хүмүүсийг гомдооход тэд голдуу хэл ам татлалгүй чимээгүй өнгөрдөг. Магадгүй ур чадвартай хүмүүс ихэнхидээ бардам байдаг байх. Харин хоёр дахь сонголтыг хийхээр юу болдгийг бид бүгд мэднэ дээ.