АНУ-н Аялалын Жуулчлалын Холбоонд Окскордын эдийн засгийн тэнхимийн хийсэн судалгаагаар Америкт цалинтай чөлөө авч байсан ажилтнууд 40% нь чөлөөнийхөө ихэнх хугацааг үр ашиггүй, дэмий үрсэн гэжээ. Хэдийгээр цалинтай чөлөө нь сайхан зүйл ч нэг жилийн хугацаанд Америкчууд дунжаар 2-3 өдөр чөлөө авсан гэж үзвэл АНУ-н нийт хөдөлмөр эрхлэлтэд 429,000,000 өдөр ашиглаагүй өнгөрчээ. Цалинтай чөлөөний давуу талыг өндөр бүтээмж, ажлын байрны сэтгэл ханамж, ажилтан тогтоон барих мөн эрүүл мэндэд тустай хэмээн ихэнх менежерүүд боддог ч ажилтнуудын судалгаанд өгсөн хариулт тэдний бодож тооцоолсоноос бодит үр дүн өөрөөр гарчээ.

Ажилтнуудын 34% нь цалинтай авахыг “эсэргүүцдэггүй” мөн  “дэмждэггүй” гэсэн бол менежерүүдийн 17% нь жилд авч болох цалинтай “чөлөөгөө бүгдийг нь авдаг” ажилтнуудыг ажилдаа “сэтгэл” гаргадаггүй гэж үздэгээ илэрхийлсэн байна.

АНУ-н  10 ажилтан тутмын дөрөв нь ажлын ачааллаас шалтгаалан компаниас олгосон цалинтай чөлөөнийхөө эрхийг эдэлж чаддаггүй гэжээ. Байгууллагууд ажилтан цалинтай чөлөө авахгүй бол байгууллагад ашигтай гэж эндүүрдэг. Гэтэл АНУ-н хувьд ажилтан ажлаасаа гарахдаа цалинтай чөлөөний өдрүүдийн нөхөн олговор авдаг бөгөөд энэ нь байгууллагад тодорхой хэмжээний санхүүгийн дарамж үүсгэдэг байна.  Дээрх судалгаанд 971 ажилтанг хамруулсан бөгөөд 700 нь цалинтай чөлөө авч байсан ба тэр нь урамшууллын багцад багтдаг гэж мэдэгдсэн байна.