Вакцин хийлгэсний дараа #Covid19-н талаар таны мэдвэл зохих зүйлс:

1. Вакцин хийлгэсэн ч Covid19 - н халдвар авах уу?

 - Вакцин нь вирусын эсрэг таны дархлааг нэмэгдүүлдэг боловч халдвар авах магадлал алга болохгүй. Харин вирусын улмаас хүндээр өвчлөх эрсдэл бараг үгүй болно. 

Жишээ нь: Pfizer/BioTech вакцин 95%-н үрдүнтэй гэдэг нь түүнийг тариулсан хүмүүсийн 95% нь халдвараас болж өвчлөхгүй гэсэн үг юм. 

Харин үлдсэн 5% нь өвдлөө ч эмнэлэгт хэвтэхээр хүнд өвчлөх эрсдэл тун бага байх юм.  (Эх сурвалж: New England  Journal of Medicine)

2.  Вакцин хийлгэсэн ч вирусын халдвар тараах боломжтой юу?

- Халдвар авсан тохиолдолд вакцин нь вирусын тархалтыг бүрэн зогсоож чадахгүй. Гэхдээ таны ам, хамраар дамжин "гадагшлах" вирусын тоог багасгаж, халдвар тараах хугацааг богиносгоно. 

Таны биед байгаа цөөн вирус нь халдвар тараах бараг боломжгүй тул та бусдад аюул багатай болно. Бага ч болов эрсдэл байх учраас вакцин хийлгэсэн ч гэсэн хүмүүс заавал маскаа зүүж, зайгаа барих хэрэгтэй.  (Эх сурвалж: Scientific American)

3. Вирусын шинэ хувилбаруудаас эдгээр вакцин хамгаалж чадах уу?

-  Шинэ хувилбаруудаас хамгаалах чадвартай. Гэхдээ тэр бүр бүрэн хэмжээгээр хамгаалахгүй. Тухайлбал, Oxford/ Astra Zeneca вакцин нь Их Британий шинэ хувилбарын вирусын ноцтой халдварын 75%-г злгсоох чадвартай юм.  Одоогоор эм үйлдвэрлэгчид вакцинын "Update" хийх, вирусын шинэ хувилбаруудтай тэмцэх арга замыг хайх зэргээр ажиллаж байна. 

Өргөн хүрээнд дархлаажуулалт хийснээр хүнд өвчлөл болон эндэгдлийн тоог даруй бууруулж, вирус цаашид өөрчлөгдөн хувирах боломжийг хумих юм.

ТА COVID19 -н ЭСРЭГ ВАКЦИНД ХАМРАГДСАН УУ?