Байгууллагын coëлд тухайн байгууллагын ерөнхий унэт зүйлс, баримтлах узэл, нормууд багтдаг бөгөөд эдгээр нь ажилтанууд ба байгууллагыг нэгдмэл болгодог. 

Байгууллагын соёл ажилтнуудыг хөгжүүлж, байгууллагаасаа суралцах боломжийг олгож байдаг. 

Мөн байгууллагад өрнөж байгаа бүх үйл явцад хариуцлага хүлээлгэдэг, харилцаанч ач холбогдлыг мэдрүүлдэг, байгууллагын тогтвортой байдал, ажлын хяналт ба нэгдмэл зорилго, чиглэлийн ундэс суурь болж байдаг юм. Т. Дилом ба А. Кеннеди (T.Deal & A.Kennedy, corporate Cultures, the Rites and Rituals of Corporate Life, 1988) нарын хэлснээр: Хүчтэй соёлыг дараахь бүрэлдэхүүн хэсгүүд бий болгоно. Үүнд:

• Байгууллагын философи нь нэгтгэх чадвартай байх;
• Байгууллагын эрхэм зорилго эрч хүчтэй, тодорхой байх;
• Бусдад итгэдэг ба өөртөө итгүүлж чаддаг манлайлагчтай байх;
• Харилцааны сувгууд сайн хөгжсөн, дээд удирдлагадаа хүрэх зам нээлттэй байх;
• Ажилтнууд болон бүтээгдэхүүн үйлдвэрлэлд онцгой анхаарал тавьдаг;
• Хэрэглэгч болон үйлчилгээндээ онцгой анхаарал тавьдаг;
• Бүх ажилтнууд нь сэтгэл ханамжтай, байгууллага дотор өрнөж буй үйл явцад хамааралтай
• Бүгд дагаж мөрддөг дэв жаяг, журам ёслол, заншилтай байх;
• Ажилтнууд хийж буй ажилдаа болон ирээдүйн албан тушаал ахих явдалдаа сэтгэл ханамжтай байх;
• Хийж гүйцэтгэсэн ажилдаа, нийтийн үйлсэд оруулсан хүч хөдөлмөр болон авсан шагнал урамшуулалдаа сэтгэл хангалуун байх зэрэг орно.

Сайн менежменттэй байх, өөрөөр хэлбэл менежерүүд өөрсдийн албан тасалгаандаа зүгээр суух биш, харин үргэлж ил тод нээлттэй ажиллахад бэлэн байна.

Сул соёлын шинж тэмдгүүд:

•  Байгууллагын “манлайлагчид” тархсан, нэгдмэл санаатай бус;
• Дагаж мөрддөг дүрэм, журам байхгүй;
• Эрхэмлэх үнэт зүйлсүүд болон тогтсон үзэл баримтлал тодорхой бус;
• Дотогшоо чиглэсэн богино хугацаат стратегитэй;
• Хувь хүмүүс болон булгүүд хоорондоо зөрчил маргаантай; 
• Багаар ажиллах чадваргүй, ажилтанууд байгууллагадаа хамааралтай байх тухай ойлголт байхгүй.

Дүгнэж хэлэхэд дараах нөхцөлд байгууллагын соёл үр дүнтэй байна. Үүнд:

• Байгууллагын зорилго тодорхой байна;
• Дээд удирдлага шинэ соёлыг идэвхитэйгээр дэмждэг, өөрчлөлт хийх шаардлагыг ухамсарласан байх;
• Соёлд гарч байгаа өөрчлөлтүүдийг хамгийн түрүүнд удирдлага өөрсдийн үйл хөдлөл, ажил хэргээрээ илэрхийлдэг байх;
• Соёлын өөрчлөлтүүд нь байгууллага дахь бүхий л нэгж, хэсгүүдээр дэмжигддэг байх; 
• Нэгдмэл санаатай, зорилготой багууд үүсдэг зэрэг нөхцлүүд болно

---

Эх сурвалж: Монголын Хүний Нөөцийн Институт | #HumanCapital сэтгүүл 13/10-P14-15