ҮЙЛЧИЛГЭЭНИЙ АЖИЛТНЫ ГАДААД ТӨРХ

Үйлчилгээний ажилтны хувцаст болон гадаад төрхийн жишиг шаардлагын жишээг танилцуулж байна.

Хувцаслалт:

• Компанийн эрэгтэй, эмэгтэй үйлчилгээний ажилтан зөвхөн олгогдсон дүрэм хувцас, малгайг өмсөнө. 
• Хувцас, малгай нь цэвэр үзэмжтэй, толбо, үрчлээсгүй байхаас гадна товч тасарсан, оёдол ханзарсан эсэхэд анхаарах. Гутал цэвэр үзэмжтэй байна.  Ажлын цагаар бусад хувцсыг өмсөхийг хориглоно.

Үс засалт:

• Компанийн ажилтнууд  үсийг цэвэр, үзэмжтэй засч янзалсан байна. 
• Эрэгтэй ажилтнууд богино халимагтай, нямбай засалттай байж сахалаа тогтмол хусна.
• Гоёлын болон хар, өнгийн шил зүүхгүй байна.
• Эмэгтэй ажилтнууд нүүрээ өөртөө зохисон байдлаар засалт хийж байгалийн өнгөөр будан, будалтаа сэргээж, өнгө үзэмжтэй, сэргэг байна.
• Хумсыг зохистой хэмжээнд ургуулан засч янзлан, хэт хурц биш, завсрын өнгийн болон өнгөгүй будгаар будна.
• Хурц үнэртэй, үдшийн зориулалттай гоо сайхны бүтээгдэхүүн хэрэглэхгүй байна.
• Ил гарах шивээс тэмдэггүй байна.
• Амны үнэрт онцгой анхаарна г.м