• Албан харилцаанд утсаар ярих үед эргэлзээтэй зүйлийг ахин асуух, давтан хэлэх маягаар тодруулан, гол зүйлийг тэмдэглэж авна.   
• Ажил, үйлчилгээ явуулж байдаа байгууллагын албан дугаараас болон өөрийн утсаар ярих, мессеж бичихыг хориглоно.
• Албаны утсаар хувийн яриа ярихгүй байх. 

• Хоёроос 2-3 дахь дуудалтын дараа харилцуураа ав.
• “Байна уу ?”, “Сонсож байна”, “Танд юугаар туслахсан бол” гэх  мэт үг хэлээд байгууллага, өөрийн нэрээ танилцуулна.
• Харилцуурыг авчихаад өөр хүнтэй бүү ярь.
• Өмнө, өөрөө бий болгосон сэтгэлийн сөрөг хөдөлгөөнөө утсаар ярих үедээ бүү гарга.
• Асуултанд бүрэн, тодорхой хариу өгч аль болох эелдгээр хандахыг хичээ.
• Ярьж байгаа зүйлдээ анхаарлаа төвлөрүүл.
• Яриаг байцаалт болгож болохгүй.
• Хэрэв та завгүй байгаа бол уучлалт гуйж , дараа хэдийд ярихаа хэлж утсаа салга.
• Утсаар ярих үед дараах үг хэллэгээс зайлсхийж бай. Үүнд: “Би мэдэхгүй байна” “бид үүнийг хийж чадахгүй” г.м 
• “Та ……………ёстой” гэдэг бас л буруу томьёолсон алдаатай хэллэг.
• “Үгүй” гэвэл тантай цаашид ярих сэтгэгдэл бүрэн унтарна.
• “Яагаад” гэдэг үг үл итгэх сэтгэгдэл төрүүлнэ.
• Эелдэг зантай хүнтэй ярихад таатай сайхан байдаг.
• Тань руу залгасан, анх ярьсан хүнийхээ яриаг дуусгах ёстой.
• Харилцан талархлаа илэрхийлж сайн сайхныг хүсээрэй.

• Ярих зорилгоо тодорхой болго.
• Яг цагт нь утасдаж байгаа эсэхээ сайтар бод.
• Ярих утасны дугаар, холбогдох тоо баримт, лавлах болон тэмдэглэл хийхэд урьдчилан бэлд.
• Ярих төлөвлөгөө, тавих саналаа урьдчилан бэлтгэсэний дараа харилцуурын ав.
• Утасны дугаарыг яаралгүй, алдаагүй цуглуулах хэрэгтэй.
• Мэнд мэдсэний дараа бэлтгэсэний дагуу товч оршил болох зүйлээ ярь.
• Ярилцагчийн сэтгэл санааны байдлыг тандах. Таны саналыг хүлээж авах эсэх нь эхний өгүүлбэр болон ярианы өнгөөр танигдана.
• Ярих үед юм уух, өөр зүйл оролдохыг азна.
• Нийцтэй ярих, бололцоотой бол яриагаа товч тодорхой, тод, чанга, итгэл үнэмшилтэй, эмх цэгцтэй ярь.
• Ярих хүсэлгүй, цаг нь тохиромгүй бол өөр сэдвээр ярьж, талархлаа илэрхийлж харилцуураа тавь.
• Уурлах , цухалдах, бачимдах байдлыг огт гаргалгүй энгийн тайван, болж өгвөл      инээмсэглэж ярь, өөдрөг сэтгэлээр хандаж ярь.
• Чухал тоо баримт, санаагаа тэмдэглэж авч үлд.
• Ярих зүйл ойлгомжтой, хэлэлцэж тохиролцох зүйл товч тодорхой байх ёстой.
• Өөрийгөө шүүмжлэх юмуу, асуудлын мөн чанарыг тайлбарлах гэж цагаа бүү үр.
• Яриандаа “Та хэтэрхий алдаж байна, та үүнийг мэддэг ч болоосой, за тэгвэл сонс, танд хангалттай тайлбарласан биз дээ, та мэдээлэл авдаггүй юмуу?” гэх мэт үг хэллэг хэрэглэх нь бүдүүлэг үйлдэл нь тодорхой билээ.
• Богино ярих ёстой. Энэ нь та бусдыг болоод өөрийн цагийг хэмнэж, бусдыг  хүндэлж буйн хэрэг юм.

Танд энэ чиглэлээр сургалт зөвлөх үйлчилгээ шаардлагатай байгаа бол: 

90001075 80001075 70001075 | info@mhri.mn хандана уу? Баярлалаа.