МЕНЕЖМЕНТ
Та шинэ ажилтан ажилд авах болон өмнөх ажилтнаа дэв ахиулахдаа дараах ЗАН ТӨЛӨВ-үүдийн алийг нь илүү чухалчилдаг вэ?
Нээлттэй байдал
10.74%
Үнэнч байдал
17.65%
Өрсөлдөх чадвар
20.88%
Бусадтай нийцэх байдал
23.09%
Гадагшаа чанар
1.03%
Ёс суртахуун
21.03%
Өөдрөг үзэл
5.59%
HRM- Дасан зохицол
- 2020 / 02 / 09
Ажлын байрны соёлын хяналт

Ажлын байрны эерэг хандлагатай соёл бол аливаа байгууллагыг амжилтанд хүргэх гол бүрэлдэхүүн хэсэг юм. Зөв соёлыг байгууллагадаа нутагшуулах нь олон учир шалтгаантай. Ёс суртахууны төлөв байдлаас эхлүүлээд байгууллагадаа эерэг чиг хандлагатай соёлыг бий болгосноор байгууллага эрүүл,  баттай оршин тогтнож чадах бөгөөд ажилтнууд бие биенээ дарамтлах, ялгаварлан гадуурхах гэх мэт сөрөг хандлага бага байх болно.

Үйл ажиллагааны дээд соёлыг байгууллагадаа төлөвшүүлсэнээр энэ нь хамт олны үндсэн суурь болно.  Саяхан АНУ-н Засгийн Газрын Боловсрол Мэргэжлийн Төлөөллийн Байнгийн Хорооноос ажил байранд гардаг дарангуйлалыг хянан шалгах болсныг мэдэгдсэн байна. Уг хяналт шалгалт нь “ажлын байрны дарамт ямар учраас гарч байгаа болон, хэр өргөн цар хүрээтэй” болохыг судалсан байна. Сонирхолтой нь байнгийн хороонд уг шалгалтыг хийхэд байгууллагын соёлыг авч үзэх шаардлагатай гэсэн нөхцөл тавьсан байна.

Ажлын байрны соёл нь дарамт шахалтын төлөв байдалд чухал үүрэгтэй ч байгууллагын үйл ажиллагаанд мөн ижил үүргийг гүйцэтгэдэг  байна. Байгууллагад үйл ажиллагааны өндөр соёлыг бий болгох нь тийм амар хялбар зүйл биш юм. Ажлын соёл болон ажилтнуудын дасан зохицол хоёрын дунд амжилтанд хөтлөх өөр нэгэн зүйл байдаг нь шагнал урамшуулалын тогтолцоо юм. Зардал, үнэ, мөнгө дээр анхаарлаа хэт хандуулах нь муу үр дүнд хүргэхгүй ч ажилтнуудын ажил таслалт нэмэгдэх хандлагатай байдаг. Учир нь тэд өөрсдийн ур чадвар болон ажил хэргээ үнэлүүлэхийг хүсдэг.  Байгууллага үүнд ач холбогдол өгч, эерэг хандлага, үйл ажиллагааг бодлогоор дэмжих шаардлагатай.

Та юу хийж чадах вэ?

Байгууллагын хөгжлийг  үйлдвэрлэл, бүтээгдэхүүн, тоног төхөөрөмжийн хөгжлөөр тодорхойлдог. Мөн үүний адил байгууллагын соёл нь хөгжлийн нэг илэрхийлэл юм. Байгууллагын соёл  хэн нэгэн буюу бусдын оролцоогүйгээр хөгжих боломжгүй. Байгууллагын хөгжил бүх шатны удирдах ажилтнууд хамгийн чухал үүрэгтэй байдгийг бид мэднэ. Удирдагч нар өөрийн зан төлөв, арга барилаараа хамт олондоо үлгэр дуурайлал болох хэрэгтэй.

Удирдах ажилтнууд ажлын байрны төлөв байдлыг хянах, хэрэв ямар нэг сөрөг хандлага, шинж чанар ажиглагдвал засаж заларуулах, ухуулан сэнхэрүүлэх үүрэгтэй.

Байгууллагын хариу үйлдэл нь эерэг соёлыг дэмжих ёстой. Энэ нь байгууллагад зан төлөв, биеэ авч явахтай холбоотой сөрөг хандлагатай холбоотой асуудал үүсэхээс сэргийлж болох үр дүнтэй горим журмыг бий болгодог.

Ажлын байранд эерэг соёл бий болгох алхамууд:

  •          Байгууллагын бүх шатанд эерэг соёлыг хөгжүүлэхэд дараах үйл ажиллагаа шаардагдах болно.
  •          Соёл нь өмнө нь хийсэн зүйл болон өмнө нь олж байсан амжилтын түвшингээс  улбаалан бий болдог
  •          Үүсгэн байгуулагчид нь байгууллагын эхэн үеийн соёлд гол нөллөөллийг үзүүлдэг.

Гурван арга замаар соёл бий болдог

А. Зөвхөн өөрсөд шиг нь аливааг харж, мэдэрдэг ажилтнуудыг л байгууллагын үүсгэн байгуулагчид ажилд авч, цаашид ч авч үлддэг

Б. Ажилчдаа өөрсөд шигээ сэтгэж, мэдэрдэг болгодог

В. Үүсгэн байгуулагчдын зан байдал нь ажилчдад үлгэр дуурайлал болдог бөгөөд үүнээс улбаалан ажилчид нь тэдний итгэл үнэмшил, үнэ цэнэ, төсөөллийг өөрийн болгодог

Соёлын хяналтын үйл явц ч мөн дараах гол алхамаар явагддаг:

·         Ажилтнууд дунд бүх асуудлыг хамарсан судалгаа явуулах

  •          Ажлаас гарч байгаа ажилтнуудад дүгнэлт шинжилгээ хийх
  •          Ажил таслалт, хоцролтонд дүгнэлт, шинжилгээ хийх (Ялангуяа өвчний чөлөөтэй байгаа тохиодолууд )
  •          Гомдол заргын тоо болон төрлийн байдлыг авч үзэх
  •          Удирдагч, манлайлагч нараар ажиглалт хийлгэх
  •         Зан төлөв болон соёлын талаарх тогтмол сургалт хүний нөөцийн ажилтнууд зохион байгуулж байх нь чухал юм.

Ажлын байрны соёлын хяналт
Танд энэхүү мэдээлэл таалагдаж байвал Like дараарай!
Сэтгэгдэл бичих
- 2020 / 02 / 15
"Ажил үүрэг даалгах төлөвлөгөө"-г 1-2 долоо хоног хэрэглэж, ажил үүрэг бүр (чухал буюу хар бор ажлын аль нь) таны цагийг хэрхэн авч байгааг тодорхойл. Та амархан даалгаж болох зарим ажилд маш их цаг зарцуулдагаа олж мэдэж болно.
Хамтран ажиллаж байгаа хүмүүсдээ хүндэтгэлтэй хандах хэрэгтэй. Бусдыг хүндлэнэ гэдэг харилцааны маш чухал хэсэг юм. Тэгвэл Хүндэтгэл гэж юу вэ? Хүндэтгэл нь маш олон янзын хэлбэрээр илэрдэг. Эдгээрээс хэдэн жишээ дурьдвал : Хамтран зүтгэгч нөхөддөө хүндэтгэлтэй хандан хувийн үзэл бодол, зан чанарын хувьд танаас өөр хүн гэдгийг нь харгалзан үзэх нь чухал. Энэ ялгаа нь эхэндээ жижиг зүйл мэт санагддаг цаашдаа ямар үр нөлөөтэй байх нь хэрхэн зөв шийдэл гаргахаас хамаарна. Хүмүүсийн үзэл бодлыг ялгаатай байдлыг хүлээн авч хүндэтгэлтэй хандсанаар та сайн үр дүнд хүрч шилдэг ажилтан болоход нэг алхам ойртон очлоо гэсэн үг.
- 2020 / 02 / 14
Шинж ажилд орсон бол... Арай гэж шинэ, сонирхолтой, дажгүй цалинтай ажил олов уу? Шинэ хамт олонтой хэрхэн зохицох бол, элдэв эвгүй зүйлд орооцолдчих вий, ажилдаа алдаа гаргачих вий гэж хэн бүхэн санаа нь зовдог. Судалгаанаас харахад шинэковуудын 20% нь шинэ хамт олонд шингэж чадаагүйгээс ажлаасаа гардаг. Ямар ч хамт олны дунд “амь гарахад” тань туслах хэдэн дүрмийг мэдэж аваад хэрэгжүүлбэл танд айх зүйл байхгүй болно.
- 2012 / 07 / 03
-2011 / 07 / 16
Багаар ажиллах нь ярвигтай нөхцөл байдлыг шийдвэрлэхэд шаардлагатай уян хатан байдлыг бий болгохоос гадна мотивац, суралцах үйл, бүтээлч байдлыг нэмэгдүүлэх бөгөөд эдгээр нь эргээд гүйцэтгэлийг сайжруулдаг байна. Багийн ажлын гүйцэтгэл нь бие даан ажиллаж буй хувь хүмүүсийнхээ хэзээд хол илүү байдаг ажээ.Дэлхийн улс орнуудад үйл ажиллагаа явуулж буй улсын болоод хувийн байгууллагууд гол төлөв эдийн засгийн учир шалтгаанаар бүхий л түвшинд ажиллаж буй хүн хүчнийхээ тоог цөөлж байгаагаас үлдсэн хүмүүс нь ажил хөдөлмөрөө илүү шуурхай хийж гүйцэтгэх шаардлагатай болдог ажээ.
-2011 / 07 / 15
Суралцагч байгууллагын хувьд хувь хүн болоод багийн мэдлэг чадварыг нэмэгдүүлэх явдлыг хөгжүүлэхийн тулд бүгдээрээ хамтдаа суралцах үйлийг хамгийн чухал гэж үздэг.Хамтдаа суралцах үйлийг дараах нөхцөлд хөгжүүлэх боломжтой байдаг ажээ.
-2011 / 07 / 15
Суралцаж, гүйцэтгэлээ тасралтгүй үргэлжлүүлэн дээшлүүлдэг үр нөлөө бүхий багийг суралцагч байгууллагын “барилгын блок” хэмээн нэрлэж болно.Баг гэдэг нь нийтлэг нэгэн зорилгыг хангахын төлөө хамтдаа ажиллаж байгаа хязгаарлагдмал тооны хүмүүс юм.Багийн бүрэлдэхүүнд орсон өөр өөр гишүүд нь өөрийн гэсэн өвөрмөц туршлага, ур чадвартай байх бөгөөд тухайлбал хөл бөмбөгийн багт довтлогч, төвийн тоглогчид,хамгаалагчид, хаалгач гэх мэт өөрийн гэсэн тусгай үүрэг бүхий гишүүн багтсан байдаг.
HR Фото