ЭРҮҮЛ АЖЛЫН БАЙР

Ажлын байрны эрүүл мэндийн ойлголтонд мөн ажлын зохион байгуулалт чухал нөлөөтэй. Тухайлбал хэт их ачаалалтай ажиллах, ээлжийн амралтгүй ажил, илүү цагаар ажиллах, цалин хөлсний бага бодлого, нэг хэв маягийн хөдөлгөөнийг олон давтах зэрэг хүчин зүйлүүд бас ордог. Эдгээр нь эрүүл мэндэд сөрөг нөлөө үзүүлж өвчлөлийг нэмэгдүүлдэг байна.

1. Механикийн – багаж төхөөрөмж, ажлын процесс
2. Техникийн – тоног төхөөрөмжийн эвдрэл
3. Физикийн – дуу шуугиан, халуун, цацраг идэвхит бодис, альфа болон бета туяа
4. Химийн – химийн бодисууд
5. Органик – шавьж, шимэгч хорхой, тоос, тоосонцор
6. Биологийн – халдвар, хөдөлгөөний дутагдал
7. Бусад – стресс, биеийн хүчний хүнд хучир ажил, осол гэмтэл

Насанд хүрсэн хүн амьдралынхаа 1/3- ыг ажлын байран дээрээ өнгөрүүлдэг. Жишээ нь: 24 цагийн 8 цаг ажиллах, 2 цаг ажилдаа ирж очих, 8 цаг унтах, 1-2 цаг өдрийн хоол, 4 цаг гэртээ болон чөлөөт цаг /хоол хийх, гэр орноо цэвэрлэх, хүүхдээ асрах г.м/-т зарцуулдаг байна.

Үүнээс харахад хүн амьдралынхаа ихэнхи хугацааг ажлын байрандаа өнгөрүүлдэг гэсэн нь харагдаж байна.

Эрүүл ажилчид нь үр ашигтай үйлдвэрлэгчид бөгөөд энэ үр ашиг нь бизнесийн амжилтын гол үндэс, байгууллага, тэр тусмаа улс орны эдийн засгийн тогтвортой хөгжлийн суурь болдог.

Эрүүл ажлын байрны үр ашиг
Байгууллага	Ажилчид
•    Сайн удирдлага, сайн зохион байгуулалттай эрүүл, аюулгүй байдлын хөтөлбөртэй болно. •    Байгууллагын соёл сайн бүрдэнэ. •    Ажилчдын ажил солих байдал тогтвортой болно. •    Ажил таслах явдал багасна. •    Хөдөлмөрийн бүтээмж нэмэгдэнэ. •    Эрүүл мэндийн үйлчилгээ, даатгалын зардал багасна. •    Маргаан торгуулийн эрсдэл багасна.     •    Эрүүл, аюулгүй ажлын орчин бүрдэнэ.	•    Өөртөө анхаарал тавих нь дээшилж, ажлаа тайван хийнэ. •    Стресс багасна. •    Ажилчдын сэтгэл ханамж дээшилнэ. •    Ажилдаа сэтгэл хангалуун болно. •    Эрүүл мэнд нь сайжирна. •    Эрүүл мэндээ хамгаалах чадвар нь дээшилнэ. •    Эрүүл гэр бүл, хамт олон бий болно. •    Ажилтнууд жижиг сажиг зүйлд санаа зовохгүй ажилдаа өөрийгөө бүрэн дайчилна

Эх сурвалж: МХНИ-н Human Capital сэтгүүл #MHRI #HumanCapital