Хэбэй Технологийн Их Сургуультай хамтран зохион байгуулсан "Удирлага, манлайлал" -ын сургалт, аялалын хөтөлбөр 06.27 - 07.03 хооронд Чинхаундао хотын Бэйдэхэ далайн эргийн цогцолборт амжилттай зохион байгууллагдлаа.

Монголын хүний нөөцийн институт энэ сарын 22-нд Бизнесийн удирдлага, Дизайн, Урлаг, Гоо сайхны Сити дээд сургуулийн төгсөх ангийн оюутнуудад хүний нөөцийн удирдлага, сонгон шалгаруулалт сэдэвт лекцийг амжилттай зохион байгууллаа. Тун удахгүй хөдөлмөрийн зах зээлд боловсон хүчин болж гарах гэж буй төгсөх курсын оюутнуудад ажлын байран дээр гараад тухайн байгууллагад хэрхэн үнэлэгдэж, үнэ цэнэтэй шилдэг ажилтан болоход зөвлөх, хүний нөөцийн удирдлагын талаар мэдээлэл өгөх зорилго бүхий энэхүү лекцэд тус сургуулийн багш оюутнууд идэвхтэй оролцсон юм.

35 жилийн түүхэн замнал бүхний үндэсний тэргүүлэгч нүүрсний уурхай Багануур ХХК-ийн удирдах ажилтнууд Монголын Хүний Нөөцийн Институтээс зохион байгуулдаг DHRM буюу удирдах ажилтнуудад зориулсан багц сургалтанд хамрагдлаа.Сургалтыг МХНИ-ийн ерөнхий захирал Д.Бартанбаатар, дэд захирал Н.Цогжавхлан нар удирдан зохион байгуулав. Бүтээлч тэмүүлэл бүхний нийт суралцагч нартаа ажил хөдөлмөрийн өндөр амжилт хүсэн ерөөе.

Монголын Хүний Нөөцийн Институтын ерөнхий захирал Д.Бартанбаатар Монголын Барилгын Үндэсний Ассоциацийн урилгаар ажилтнуудаа "Орон сууцжуулах" хөтөлбөр хэрэгжүүлэх сонирхол бүхий Аж Ахуйн Нэгжүүдэд зориулсан уулзалт, зөвлөгөөнд "Түлхүүр ажилтнаа хэрхэн тогтоон барих вэ?" сэдэвт мэдээлэл хэлэлцүүлгэ хийлээ.

Өчигдөр буюу 6 сарын 11- нд “Хөдөлмөрийн салбарын бодлого –Хамтын ажиллагаа 2014” нэртэй форум Чингис зочид буудалд амжилттай болж өнгөрлөө. Хөдөлмөрийн яамны харьяа Хөдөлмөрийн судалгааны институтээс зохион байгуулсан энэхүү форумд хүний нөөцийн салбартаа тэргүүлэгч Монголын Хүний Нөөцийн Институти болон бусад хүний нөөцийн сургалтын байгууллагын удирдлагууд, байгууллага, аж ахуйн нэгжийн 150 гаруй хүний нөөцийн удирдах ажилтнууд, ажил олгогчдоос бүрдсэн зочид төлөөлөгчид оролцлоо. Форумыг нээж Хөдөлмөрийн яамны дэд сайд Ж. Батхуяг үг хэлсэн бөгөөд , Хөдөлмөрийн судалгааны институтийн захирал М. Чимэддорж, дэд захирал Л. Алтансүх нар мөн оролцсон юм. Форум Хөдөлмөрийн эрх зүйн орчныг сайжруулах, Хөдөлмөрийн зах зээлийн нийлүүлэлтийг идэвхжүүлэхэд чиглэгдсэн бодлогын үндсэн арга хэрэгслүүд тэдгээрийн үр нөлөө, Хүний нөөцийн сургалтын байгууллагуудыг магадлан итгэмжлэл гэсэн үндсэн гурван сэдвийн хүрээнд явагдаж хэлэлцүүлэг өрнөсөн байна. Ийнхүү форумын үеэр гарсан санал, зөвлөмж, асуулт хариултыг нэгтгэн оролцогчдод танилцуулснаар уг форум өндөрлөсөн юм.

Энэ сарын 05-06-ны өдрүүдэд “Багануур” ХК-ийн инженер техникийн ажилтнуудын зөвлөгөөн болж өнгөрсөн ба МХНИ-ийн ерөнхий захирал Д.Бартанбаатар “Уул уурхайн салбарын Инженер Техникийн Ажилтнуудын ажлын гүйцэтгэлийн үнэлгээ” сэдвээр илтгэл тавьж зөвлөгөөнд оролцогчдын асуултад хариулт өгсөн юм. Багануур хувьцаат компанийн ИТА-ууд мэргэжлийн чиглэлийнхээ дагуу гурван салбар зөвлөгөөнд оролцон мэргэжил, хэсэг нэгжийн ажилд тулгамдаад буй асуудал болон шийдвэрлэх арга замын талаар хэлэлцсэн юм. Мөн ИТА-ын зүгээс компанийн хөгжилд оруулах хувь нэмрийн талаар асуудал дэвшүүлж хэлэлцүүлэгийг үр дүнтэй явууллаа. 2008 оноос хойш завсарласны эцэст энэ жил зохион байгуулагдаж буй “Инженер Техникийн Ажилтнуудын Зөвлөгөөн”-ийг Багануур ХК-ын компанийн гүйцэтгэх захирал М.Отгонбаяр нээж үг хэлсэн байна. Уг зөвлөгөөнөөс багануур ХК-ийн ИТА-ууд үйлдвэрлэлийн үйл ажиллагааг үр ашигтай, эрсдэлгүй удирдан зохион байгуулах мэдлэг чадвартай, бүтээлч инженер техникийн ажилтныг төлөвшүүлэх зорилготой Багануур” ХК-ийн ИТА-ын хөгжлийн хөтөлбөрийг боловсруулж хоёр жилийн хугацаатай хэрэгжүүлэх нь зүйтэй гэсэн шийдвэр гаргажээ.

Монголын Хүний Нөөцийн Институтын дэргэдэх HUMAN CAPITAL сургалтын төвийн хүний нөөцийн менежментийн мэргэшүүлэх үндсэн сургалтын 234 дахь элсэлт амжилттай төгслөө. Нийт төгсөгч нартаа ажил хөдөлмөрийн өндөр амжилт хүсэн ерөөе.

Yonsei University, Education of Work and Human Resource Development Chang won-sup Ph.D. Human resources managers should play on advantages of broad minded people.

Таван Богд группын "Удирдах ажилтны зөвлөгөө" -нд Монголын Хүний Нөөцийн ерөнхий захирал Д.Бартанбаатар урилгаар оролцож "Хүний нөөцийн менежмент ба удирдлагын өөрчлөгдөж буй хандлага" сэдвээр лекц уншлаа.