Байгууллагууд ажилтан авахдаа “зан төлөв” болон “соёлд нийцэх” эсэхийг чухалчлан үзэх болжээ. Энэ хоёрыг эрдмийн зэрэг болон дүнгээс илүүтэйгээр тодотгодог болсон байна.
Гэсэн ч гүйцэтгэх албан тушаалд ажлын туршлага нь ажилд авах (58%) хамгийн том хүчин зүйл хэвээр байгаа аж.
Үүний араас зан төлөв 48% хувьтайгаар орсон.  
“Сүүлийн таван жилийн хугацаанд технологийн гайхалтай дэвшил нь C түвшний гүйцэтгэх ажилтнууд, менежрүүд болон хүний нөөцийхөн өмнөхөөсөө илүүтэйгээр ажил горилогч болон одоогийн ажилтнуудынхаа зан аашийг авч үзэх болсон” гэдгийг судалгаанд тодотгосон байна.
“Өнөө үед товч, хямд үнэтэй судалгаануудаар нь бүтээлч байдал, тэвчээр, шаргуу байдал болон асуудал шийдэх зэрэг чанар шаардлагуудыг авч үзэх боломжтой болсон. Зарим компаниуд онлайн тоглоомоор ур чадвар болон байгууллагын соёлд нийцэх эсэхийг шалгадаг.”
Байгууллагын соёлд нийцэх нь нийт судалгаанд оролцогчдын (39%) хувьд зан төлөвтэй адил чухал хүчин зүйл шалгуур болдог.
Сонирхолтой нь судалгаагаар эдгээр хүчин зүйлсд зохицуулалт тааруухан байгааг олж тогтоосон.
Гүйцэтгэх захирлуудын 1/3 буюу 30% нь соёлд нийцэхийг чухал гэж үзсэн бол хүний нөөцийн лидерүүдийн 48% үүнийг ажил горилогчдын томоохон шинж чанар гэж дүгнэжээ.
Судалгаанд оролцогчид зан аашд тулгуурлан ажилд авахыг хэр нийтлэг хэрэглэдгээ тайлбарласан юм. Энэ нь хэн нэгнийг ажилд авахдаа хэмжигдэхүйц хүчин зүйлс (мэргэжил, техникийн ур чадвар эсвэл ажлын туршлага) болон чанарын хүчин (хүсэл эрмэлзэл, урам зориг)зүйлсийг аль алинийг нь авч үзэхийг хэлж буй хэрэг юм.
Нийт судалгаанд оролцогчдын 44% нь сонгон шалгаруулалт хийхдээ зан аашд тулгуурладаг гэсэн бол 69% нь ирээдүйд үүнийг ашиглах болно гэсэн байна.