Цар тахлын дараа хүнд байдалд орсон уян хатан оффис, коворкинг (Нээлттэй оффисын орчин / хуваалцсан оффис), зайнаас болон холимог ажлын гишүүнчлэл (All Access, Dedicated Desk, HQ) гэх мэт үйл ажиллагаа явуулдаг WeWork* компани энэ оноос дампуурлаас гарч, өр багатай, портфелио оновчтой болгосон, ашигт ажиллагаа чиглэсэн хоёр дахь амьдралаа эхлүүлээд байна.
2025 он гарсаар шинэ байршил нээх, маркетинг сэргээх, түншлэл өргөжүүлэх алхмуудаа түргэн хэрэгжүүлж буй нь уян хатан ажиллах хэв маягийн дунд хугацааны өсөлтийг дэмжих хандлагатай байна. Гэхдээ оффисын зах зээл, макро эдийн засгийн хэлбэлзэл WeWork‑ийн урт хугацааны амжилтыг тодорхойлох гол хүчин зүйл хэвээр байна.
WeWork цар тахлын дараах зах зээлд физик орчин + дижитал урамшуулал хослуулсан стратегиар амьд үлдэж, ClassPass-тай түншлэл байгуулснаар ажил ба эрүүл амьдралын тэнцвэрийг дэмжих шинэ үеийн коворкинг загвар руу амжилттай шилжиж байна.
WeWork-ийг харахад цар тахлын өмнөх үеийн оффисын чиг хандлагын үлдэгдэл мэт санагдаж болох ч, ажилчид өдрийн турш кофе, шар айраг ууж, ширээний теннис тоглох боломж зэрэг хөнгөлөлтөд татагддаг байсан үе хэвээр үргэлжилж байна.
Хэдийгээр сорилттой тулгарсан ч WeWork компани коворкинг (Нээлттэй оффисын орчин / хуваалцсан оффис) оффисын хэрэглээний тогтвортой эрэлтийн ачаар оршин тогтносоор байна. Алсын зайнаас болон холимог (hybrid) горимоор ажиллагчдын хувьд ийм орчин нь сонирхол татсан хэвээр. Компанийн шинэ Гүйцэтгэх захирал Жон Сантoра дампуурлын үйл явцын дараа удирдлагыг авсан бөгөөд сүүлийн үеийн санхүүгийн тайланд нь дэлхийн хэмжээнд цар хүрээгээ багасгасны дараах ашигтай үзүүлэлтүүд тусгалаа олжээ.
Ажил ба эрүүл амьдралыг хослуулах алхам
WeWork одоо ClassPass-тай түншлэл байгуулж, бизнесээ улам өргөжүүлэхээр зорьж байна. ClassPass нь хэрэглэгчдэд фитнессийн хичээл, спа үйлчилгээ зэрэгт кредитээр захиалга өгөх боломж олгодог. Одоо тус аппликейшнээр дамжуулан WeWork-ийн коворкинг байрыг захиалах боломжтой болсон.
Энэхүү хамтын ажиллагааг Чикаго, Амстердам зэрэг хотуудад туршсаны дараа албан ёсоор нэвтрүүлсэн гэж Playlist компанийн (ClassPass-ийн эзэмшигч) зах зээл ба үнэлгээ хариуцсан дэд ерөнхийлөгч Жефф Блатд мэдээлэв. Одоогоор хэрэглэгчид Сингапур, Парис, Лос Анжелес, Атланта зэрэг ойролцоогоор 200 байршил дахь WeWork-ийн оффисуудыг ClassPass апп-ээр захиалах боломжтой болжээ.
Блатдын хэлснээр, “Ажил ба эрүүл амьдралыг хослуулах” сонирхол нэмэгдэж буй нь энэ түншлэлийг улам гүнзгийрүүлэхэд түлхэц өгөх хүлээлттэй байна. Төгс хослолын хувьд ClassPass-ийн хэрэглэгч фитнессийн хичээлд орж, дараа нь WeWork оффисоосоо ажиллан, ойр хавиас өдрийн хоолоо авч идэх зэрэг бүх үйлчилгээг нэг апп-аар хийж чадаж байна.
2025 оны 6-р сарын байдлаар WeWork-ийг ClassPass-оор захиалсан хэрэглэгчдийн 25% нь тухайн өдөр өөр төрлийн үйлчилгээ мөн хамт ашигласан гэсэн тоон үзүүлэлтийг ClassPass мэдээлжээ.
Коворкер байх давуу талууд: Цар тахал нь оффисын соёлыг эрс өөрчилсөн. 2025 оны гуравдугаар сард АНУ дахь оффисын зорилт 2019 онтой харьцуулахад 32%-иар буурсан байна (Placer.ai-ийн судалгаагаар). Олон компаниуд ажилчдаа хэсэг хугацаагаар оффист дуудаж эхэлсэн ч, зарим нь уламжлалт байршлаа багасгаж, коворкинг орчин руу шилжээд байна.
Нөгөө талаас, хүний нөөцийн “total rewards” буюу нийт урамшууллын бодлого нь ажилтнуудын сайн сайхан байдлыг дэмжихэд чиглэсэн: бясалгал, фитнессийн бүлгийн хичээл, оффис дахь хоол хүргэлт зэрэг нэмэлт хангамжийг санал болгож байна.
Орчин үеийн коворкинг орчин эдгээр хэрэгцээг тусгаж эхэлсэн. Жишээ нь: Menlo Park, California дахь Springline нь зөвхөн оффис биш, мөн фитнессийн танхим, хүнсний дэлгүүр, өндөр зэрэглэлийн гольф симулятор зэрэг хангамжтай.
Үүнтэй адилаар, фитнессийн Life Time компани Minneapolis, Chicago зэрэг хотуудад Life Time Work нэртэй коворкинг орчныг нээж байна.
ClassPass нь 2018 оноос хойш аж ахуйн нэгжүүдэд зориулсан урамшууллын үйлчилгээ үзүүлж эхэлсэн бөгөөд e.l.f. Beauty, J. Crew зэрэг компаниуд ажилтнууддаа ашиглуулдаг. Жефф Блатд компанийнхаа зүгээс WeWork-ийн байршлыг нэмсэнээр, нэг төв оффисгүй тархмал ажилтантай байгууллагуудын хувьд хэрэгцээтэй урамшуулал болно хэмээн үзэж байна.
Салбарын анхдагч | Мэргэжлийн мэргэшсэн | Хамгийн өргөн гадаад харилцаатай | Монголын Хүний Нөөцийн Институт | 7000-1075 | 8000-1075 | 9000-1075
| Танд энэхүү мэдээлэл таалагдаж байвал Like дараарай! |
