Хүний ба хиймэл оюуны хамтралын эрин

(The Era of Symbiotic Intelligence)

“The Era of Symbiotic Intelligence” буюу “Нэгдмэл оюуны эрин үе” / “Хүний ба хиймэл оюуны хамтралын эрин” гэдэг ойлголт өнөөдөр технологи, удирдлага, хүний нөөцийн салбарын хамгийн сонирхолтой шинэ чиг хандлагуудын нэг болоод байна.

2005 оноос хойш 20 дахь жилдээ зохион байгуулагдаж байгаа Global HR Forum -н энэ жилийн сэдэв The Era of Symbiotic Intelligence гэж зарлагдсан нь хэр чухал агуулга болохыг тодотгоно. (Бид энэ арга хэмжээнд Монгол Улсаас оролцох төлөөлөгчдийн нэгдсэн зохион байгуулалтыг 2017 оноос хойш 8 дахь жилдээ хийж байна.)

Symbiotic” гэдэг нь харилцан ашигтай хамтын оршихуй, “Intelligence” гэдэг нь ухаалаг шийдвэр гаргах чадвар гэсэн утгыг илэрхийлнэ. Энэ хоёр ойлголтыг нэгтгэвэл:

Хүн ба хиймэл оюун (AI) хамтран ажиллаж, өгөгдөлд суурилсан атлаа хүний төвтэй шийдвэр гаргах чадвар.

 Symbiotic Intelligence-н эрин үе гэж юу вэ?

Энэ бол хүний оюун ухаан болон хиймэл оюун ухаан (AI) нь өрсөлдөх биш, харин хамтран, бие биеэ нөхөж хөгжих шинэ үе шат юм.

• Хүн - Сэтгэлгээний бүтээлч байдал, ёс зүй, үнэт зүйл, харилцаа, соёлыг авчирдаг. (сэтгэл хөдлөл, байгууллагын соёл, ёс зүйг тусгана.)
• AI - Хязгааргүй дата боловсруулалт, хурд, нарийвчлал, автоматжуулалтыг шинэ түвшинг гаргана. (өгөгдлийг боловсруулж, хурдан шинжилгээ хийнэ)

Бид хамтдаа шийдвэр гаргалт, инноваци, бүтээмжийг өмнөхөөсөө үлэмж өндөр түвшинд гаргаж чадна. Өөрөөр хэлбэл, энэхүү нэгдэл нь дан ганц хүний ч, AI-ийн ч хүрч чадахгүй үр дүнд хүргэж, илүү шударга, стратегийн шийдвэр гаргаж чадна. Энэ нь зөвхөн технологийн дэвшил бус, харин удирдлага, хүний нөөц, боловсрол, нийгмийн харилцааны гүн өөрчлөлт юм.

Өнөөдөр бид хиймэл оюун ухаан (AI)-ы хөгжлийн тэсрэлтийн цаг үед амьдарч байна. Гэхдээ ирээдүйг тодорхойлох гол чиг хандлага бол AI хүнийг орлох тухай биш, харин хүн ба хиймэл оюуны хамтын ажиллагаа байх болно. Энэ агуулгыг “Symbiotic Intelligence” буюу нэгдмэл хамтралт оюуны эрин үе гэж тодорхойлж байна.

Яагаад шинэ эрин үе гэж тодорхойлсон бэ?

Технологийн хувьсал – Generative AI, ChatGPT, Copilot зэрэг хэрэгслүүд өргөн хэрэглээнд нэвтэрч, хүн бүрийн ажил, амьдралд шууд нөлөөлж байна.

Ажиллах хүчний өөрчлөлт – Хүний нөөц, удирдлагад “Hybrid Workforce” буюу хүн + AI хамтарсан ажиллах шинэ загвар бий болж байна.

Бизнесийн стратеги – Байгууллагууд зөвхөн дижитал шилжилт хийхээс гадна Symbiotic Intelligence стратеги боловсруулах шаардлагатай болжээ.

Судалгааны жишээнүүд:

·         PwC (2024): Хүн ба AI-г хослуулсан байгууллагуудын бүтээмж дунджаар 30% өссөн.

·         Harvard Business Review (2023): Хүний ба AI-ийн хамтарсан шийдвэр дан ганц хүний шийдвэрээс 20–25% илүү зөв байсан.

·         Unilever HR: AI-г ашиглан ажилтан сонгон шалгаруулалтыг хийж, хүний үнэлгээтэй хослуулснаар илүү шударга, олон талт сонголт хангаж чадсан.

Хүний нөөцөд үзүүлэх нөлөө

• AI Mentor & Coach: Ажилтнууд карьераа AI зөвлөхтэй хамт төлөвлөнө.
• Predictive HR Analytics: Ажилтны гүйцэтгэл, эрсдэлийг урьдчилан таамаглана.
• Hybrid HR Teams: Хүний нөөцийн мэргэжилтэн + AI хамтарсан шийдвэр гаргалт.
• Employee Experience: Хүний сэтгэл хөдлөл + AI өгөгдөлд суурилсан ажлын шинэ орчин гэх мэт гайхамшигтай шинэ шийдлүүд биднийг хүлээж байна.

Symbiotic Intelligence HR: Хүний нөөцийн ирээдүй

Хүн болон хиймэл оюуны хамтрал яагаад хүний нөөц удирдлагад хэрэгтэй вэ?

Хүний нөөцийн удирдлагын өнөөгийн сорилт:

• Ажилд авахад олон мянган өргөдөл дундаас шударга сонголт хийх
• Гүйцэтгэлийг зөв үнэлэх
• Ажилтны сэтгэл ханамжийг бодитой хэмжих
• Хувь хүнд чиглэсэн хөгжлийн зам гаргах

Зөвхөн AI эсвэл зөвхөн хүний хүчин зүйл тусдаа хэрэглэгдэхэд алдаа, гажуудал гардаг. Харин Symbiotic Intelligence нь эдгээрийг нэгтгэн:

Хурд + Шударга байдал + Хүний төвтэй шийдвэр гаргалтыг хангадаг.

Судалгааны жишээнүүд:

• Gartner (2024): 2027 он гэхэд томоохон байгууллагын 70% нь хүний нөөцийн шийдвэртээ symbiotic загвар нэвтрүүлнэ.
• PwC (2023): Хүний нөөцийн мэргэжилтнүүдийн 67% нь AI өгөгдөл дээр тулгуурласнаар шударга ажилд авах шийдвэр гаргахад тусалсан гэжээ.
• MIT Sloan Review (2023): “AI нь өгөгдлийг боловсруулдаг, хүн нь ёс зүйн хүрээ өгдөг — хамтдаа ажиллах үед хамгийн өндөр үр дүн гардаг.”

Хүний нөөц удирдлага дахь гол хэрэглээ ба жишээ

1. Бүрдүүлэлт ба сонгон шалгаруулалт

• Хиймэл оюун - AI: Ажилд горилогчийн өргөдлийг хурдан шүүж, тохирох нэр дэвшигчийг илрүүлнэ.
• Хүний нөөц - HR: Соёл, зан төлөв, багийн уур амьсгалыг үнэлнэ.

Жишээ: Unilever AI ашиглан ярилцлагын бичлэгийг анализ хийдэг, Хүний нөөц нь өөрийн үнэлгээгээ өгч  баталгаажуулдаг. Үр дүнд нь ажилд авах хугацаа 75%-иар багассан.

 

2. Гүйцэтгэлийн удирдлага

• Хиймэл оюун - AI: KPI, productivity data-г шинжилж, эрсдэлтэй ажилтныг илрүүлнэ.
• Хүний нөөц - HR: тухайн хүний нөхцөл, удирдлагын хэв маягийг авч үзэн дэмжлэг үзүүлнэ.

Жишээ: IBM Watson ажилтны өгөгдлийг шинжилж албан тушаал дэвших боломж (promotion) эсвэл ажлаас гарах эрсдэл (attrition risk)-ийг тооцоолж анхааруулдаг. Харин хүний нөөцийн менежерүүд энэ өгөгдлийн дүн шинжилгээнд хүний хүчин зүйл (сэтгэл хөдлөл, байгууллагын соёл, нөхцөл байдлын ойлголт)-ийг нэмж, эцсийн шийдвэрийг гаргадаг.

 

3. Сургалт ба хөгжүүлэлт

• Хиймэл оюун - AI: Хувь ажилтанд тохирсон сургалтын төлөвлөгөө гаргана.
• Хүний нөөц - HR: Багийн соёл, байгууллагын стратегитай нийцүүлнэ.

Жишээ: AT&T AI систем ашиглаж сургалтын хөрөнгө оруулалтын өгөөж (ROI- Return on Investment)-өө 29%-иар өсгөсөн байна.

 

4. Ажилтны туршлага (Employee Experience)

• Хиймэл оюун - AI: Ажилтнуудаас ирсэн санал хүсэлт болон ажилтны оролцооны судалгаа (engagement survey)-г бодит цагийн горимд (real-time) боловсруулж, дүн шинжилгээ хийдэг.
• Хүний нөөц - HR: Оролцоог нэмэгдүүлэх бодит арга хэмжээ авна.

Жишээ: Microsoft AI ашиглан ажилтнуудаас ирсэн санал хүсэлтэнд анализ хийж, ажилтнуудын оролцоо, идэвхийг (engagement score) 12%-иар өсгөсөн байна.

Symbiotic Intelligence HR-ийн давуу тал

• Хурд: өгөгдөл дээр суурилсан шийдвэрийг хэдхэн секундэд гаргана.
•  Шударга байдал: хүний хүчин зүйлийн гажуудлыг бууруулна.
•  Хүний төвтэй: AI-ийн санал дээр хүний сэтгэл хөдлөл, соёлыг нэмнэ.
• Стратегийн хүний нөөц: Хүний нөөцийг зөвхөн захиргааны бус, байгууллагын стратегийн түнш болгоно. (Бидний хүсдэг зүйл)

Хүн ба AI-ийн хамтын ухаан = шударга ажилд авах + үнэн зөв гүйцэтгэлийн үнэлгээ + хувь хүнд чиглэсэн хөгжүүлэлт + өндөр ажилтны сэтгэл ханамж.

Symbiotic Intelligence HR бол зүгээр нэг технологийн тренд биш. Энэ бол ирээдүйн өрсөлдөх чадварын үндэс юм.

Ирээдүйн байгууллагын амжилт хүний ухаан ба хиймэл оюуны тэнцвэртэй хамтын ажиллагаанд орших бөгөөд бид өнөөдрөөс эхлэн Symbiotic HR стратеги-даа анхаарч, хүний ба хиймэл оюуны хамтралд суурилсан шинэ ажиллах хэв маягт бэлтгэх шаардлагатай болж байна.

Энэ агуулгын талаар илүү их мэдээлэл авахыг хүсвэл:

Хүн ба хиймэл оюуны хамтралын эрин (The Era of Symbiotic Intelligence) сэдвийн хүрээнд зохион байгуулагдах GHRF 2025 арга хэмжээнд бидэнтэй хамт оролцохыг урьж байна. Арга хэмжээний дэлгэрэнгүй мэдээлэл ба бүртгэлийг энэ холбоосоор хандаж аваарай.  https://forms.gle/ivMxiz21BT6eC1hS8

---

Салбарын анхдагч | Мэргэжлийн мэргэшсэн | Хамгийн өргөн гадаад харилцаатай | Монголын Хүний Нөөцийн Институт | 7000-1075 | 8000-1075 | 9000-1075

ХАРИЛЦАГЧИЙН ҮЙЛЧИЛГЭЭНИЙ АЛБА: ЭНД ДАРЖ ШУУД  холбогдох боломжтой