Орчин үеийн хятадын санхүүгийн төв болсон Шанхай（上海）хотын анхны оршин суугчид 6000 жилийн тэртээ анх буурьшсан гэдэг. 1267 онд Хуан Пү голын баруун эрэгт бяцхан хот албан ёсоор байгуулж Шанхай гэж анх нэрийджээ. Мин улсын дунд үеэс (16-р зуун) хятадын гар урлалын үйлдвэрлэлийн төв болж өргөжсөн энэ хотыг Манж Чингийн Засгийн Газар 1685 онд (Энх-Амгалангийн 24-р он) боомт хот болгосон гэдэг ч чухамдаа бол Чин гүрэн Хар тамхины дайнд ялагдал хүлээсний дараа нээлттэй боомт болсон буюу, Британитай “Наньжингийн гэрээ” байгуулан далайн эргийн дагуух таван хотыг гадаадтай алив саадгүйгээр худалдаа хийлгэж байхаар зөвшөөрсөний дагуу 1843оны ll-р сарын l7-нд Англиас Шанхайд суух анхны консул боомтыг албан ёсоор нээлттэй болгосныг зарласан яг тэр үеэс орчин үеийн хятадын эдийн засаг, оюун санааны хөгжилд асар их нөлөө үзүүлсэн барууны соёл урсан орж ирэх нэг гол хаалга болж 19-р зууны дунд үе гэхэд худалдаа арилжаа цэцэглэсэн хөл хөдөлгөөнт хот болжээ.