Өөр нэг судалгаанд инженерүүд улирал бүр зорилгоо өсгөн тодорхойлж, тэмдэглэл хөтлөн өөрсдөө үр дүнг нь тайлагнах үед ажлын гүйцэтгэл сайжирч байгаа нь харагдсан. Энэ арга нь менежер нь ажлын гүйцэтгэлийг хэмжих арга, цаашилбал одоо маш ихээр тархаад байгаа хамт ажиллагч -супервайзерын "360 градус" аргаас ч илүү байв.
    Зорилгоо хамтран тодорхойлох нь үр дүнтэй гэдэг нь бусад судалгаануудад ч нотлогдсон байна. Нэгэн харьцуулсан судалгаанд нэг манлайлагч зорилгоо тодорхойлох гэж 7 хоног бүр хурал зарладаг, өөр нэг манлайлагч зүгээр өмнөх 7 хоногийнхоо ажлыг хэлэлцдэг байжээ. Багаараа зорилгоо тодорхойлдог үйлдвэрийн ажиллагчдын хувьд гүйцэтгэл 10 хувь, оффисийн ажиллагчдын хувьд гүйцэтгэл бараг 25 хувиар сайжирч байсан бол харьцуулсан бүлгийн хувьд дөнгөж 5 хувь л байв. Өөр бусад 4 судалгааны дүн зорилгоо хамтран тодорхойлох нь гүйцэтгэлийг 20- 70 хувиар сайжруулдаг болохыг харуулжээ.