Тэгэхээр өөрт олдож буй цаг хугацааны алтан боломжийг бүрэн дүүрэн ашиглаж, хамгийн нол нь өөрсдийгөө сайтар цэнэглэж авцгаая. Ухаандаа, амралтын хэд хоногоо өдөр өдрөөр нь хуваарь гаргаад түүндээ аялал зугаалга, уран бүтээл, биеэ сувилуулах гээд бүх зүйлээ нарийн нягт тусгаж өгье. Урьд өмнө нь нүдээр үзээгүй газраа очиж байгалийн сайханд зүрх сэтгэлээрээ умбан, тархиныхаа эд эсийг ер бусаар сэрээж, дараа жилийн амралт хүртэл юунд ч шантаршгүй эрч хүчийг хуримтлуулъя. Ийм боломж амралтын хэд хоногт л олдоно шүү дээ.
За тэгээд уран бүтээлч хүмүүс бол нэг сайхан цэнэг аваад нам гүмхэн орчинд хэд хоног бясалгахуйд жинхэнэ төгс төгөлдөр зохиол туурвина даа.
Дотоод ахуй ертөнцдөө гүн нэвтэрч, өөрийгөө олон талаас нь уншиж, ертөнцийн жам ёсны тухай сайтар ухаарваас та сая л хүн болж байгаа хэрэг. Эргэж хэзээ ч давтагдахгүй тэрхүү өдөр хоногууд өнөө ээлжийн амралтаар л болно. Тиймийн учир хүн бүр энэ ахархан хугацааг ямар амгалан, баяр баясгалантайгаар өнгөрүүлж шинэ газар үзэн, шинэ хүнтэй танилцан, шинэ бүтээл туурвин, шинэ нээлт хийн, шинэ амьдралыг эхлүүлцгээе.

Эх сурвалж: Өдрийн сонин