Хөдөлмөрийн яамны сайд Я. Санжмятав “Хүн бүрийг ажлын байраар хангах зорилготой жижиг дунд үйлдвэрлэлийн сангаар дамжуулан иргэдийг ажлын байраар хангах зэрэг хөдөлмөрийн яамны зорилтот ажлууд эхнээсээ биелэлээ олж байна” хэмээн уг зөвлөлгөөнийг нээж хэлсэн үгэндээ дурдлаа. Хөдөлмөрийн яамнаас 100 тэрбум төгрөгийн санхүүжилт бүхий жижиг дунд үйлдвэрлэлийн сан гэж байгуулсан бөгөөд уг сангаар дамжуулан ажлын байрыг нэмэгдүүлэх зорилготой юм байна. Яг одоогоор Монгол улсын хөдөлмөрийн төв бирж дээр 19203 ажил олгогч, 98000 ажилгүй иргэн бүртгэлтэй байгаагаас 39004 хүн ажил идэвхитэй хайж байгаа юм байна. Энэ нь өмнөх оныхоос буурсан гэсэн үзүүлэлт гарчээ. Хөдөлмөрийн биржээр зуучлагдан  29908 хүн ажилд оржээ.  Мөн хөдөлмөрийн институт гэж байгуулагдан ажиллаж байгаа бөгөөд ажил олгогчдын ажлын байрны шаардлагад нийцсэн ажилчдыг бэлтгэх сургалт курс зохион байгуулах юм байна.