Энэ бол ажил дээрх хүйсийн харицаа, хөдөлмөрийн бүтээмжийг илтгэж байна. Харин Жамц гуйан хүү Төмөрийн хайртай бүсгүй Дуламсүрэн эрэгтэй зоотехнигч болон ирж нэгдлий үлгэр жишээ сайн ажилтан болдог. Ахиад олдохгүй чадварлаг ажилтанаа алдчихгүйн тулд  Доржтой хамтарч “Чөдөр” нэртэй нууц ажиллагаа сэдэж эхэлдэг. Энэ бол дахиад л хүний нөөцийн удирдлагын Ажилтнаа хэрхэн тогтвор сууршилтай ажилуулах талаар гараад ирж байгаа юм даа. Ингээд тэдний чөдөр бүтэлгүйтсэн ч бүр том чөдөрөөр тэдний урхинд ороод ирсэнийг мэдээд Жамцгуай баярлан бас бахархан инээж төгсдөг. Энэхүү киноны зохиолыг  Ч.Лодойдамбын “Итгэж болно” жүжгийн зохиолоор хийсэн гээд бодохоор зохиолч маань бас л хүний нөөцийн мэдлэгтэй болж таарах нь ээ. 
Харин дараагийн нэгэн жишээ бол жүжигчин Ч.Алтан-Өлзий гол дүрд нь тоглож үзэгчдийг нэлээдгүй инээлгэж бас хайрыг нь татсан Гажиг Гармаа гол дүртэй Өнөр бүл МУСК. Энэхүү бүтээл нь  Д.Жигжид гуайн найруулгаар 1980 онд Монгол кино нэгдэлд бүтээгдэж тухайн үеийн амьдрал,залуусын хайр сэтгэлийг ёгт хошин хэлбэрээр үзүүлсэн байдаг. Байгуулгынхаа тэргүүний ажилтан, таван жилийн гавшгайч, шинийг бүтээгч Гармаа уруулынхаа баруун дээд талдаа мэнгэтэй хөөрхөн бүсгүйд дурлаж, бүтэлгүйтэн төгсгөлд нь мэдээж сайханаар дуусдаг. Энэ кинонд мөн л хүний нөөцийн шагнал урамшуулал, хамт олон, удирдлагын анхааралыг харуулахаас гадна хариуцлагагүй сурвалжлагч Гүрбазарт хэрхэн арга хэмжээ авч байгаа, мөн түүнээс улбалаад гэр бүл салах дээрээ тулдаг хатуу жишээг ч хүртэл багтаасан байдаг. Ингээд бодохоор тухайн үеийн хайр дурлалыг харуулахдаа хүний нөөцийн удирдлагын асуудалд тулгуурлан киноны зохиол улам амьдралд ойрхон бас сонирхолтой ч болсон юм шиг. Үнэхээр хэдэн ч удаа үзсэн уйдхааргүй сайхан кино шүү.

A.Наранцацрал

Human Capital сэтгүүл