Жил ирэх бүр цар хүрээ нь улам өргөжиж буй  Нүүрсний  салбарт хөрөнгө оруулагчдын дөрөвдахь удаагийн олон улсын чуулга уулзалт нь  манай улсад явагдаж буй нүүрс олборлолт болон боловсруулалтын төслүүдэд гадаадын хөрөнгө оруулалтыг татах хийгээд эдийн засгийн чухал хөшүүрэг бүхий нүүрсний салбарын цаашдын төлөв байдал, одоогийн чиг хандлага хөрөнгө оруулалт, хууль эрх зүйн орчин, салбарыг  хөгжүүлэхэд чухал нөлөөлөхүйц техник технологийг нэвтрүүлэх зэрэг олон чухал асуудлыг хөндөж байдгаараа онцлогтой. Түүнчлэн Монгол улсын нүүрсний салбарын олон улсад  өрсөлдөх чадварыг өсгөх зорилгоор зохин байгуулагддаг юм. Монголын хүний нөөцийн институтийн дэргэдэх Human Capital удирдагчийн сэтгүүл уг олон улсын чуулга уулзалт, үзэсгэлэнгийн хэвлэлийн ивээн тэтгэгчээр оролцож байна.