Ажилтай иргэдийн тоо 30.43 сая болж 1971 оноос хойшхи хамгийн өндөр түвшиндээ хүрч өссөн бөгөөд үүнд хувийн ажил эрхлэлтийн өсөн нэмэгдэлт гол нөлөө үзүүлсэн байна. Эхний гурван сарын байдлаар дундаж орлогын түвшин жилийн эхнээс 1.7 хувиар өссөн бөгөөд цалингийн өсөлтийн түвшин өмнөх сараас өөрчлөгдөөгүй гарчээ. Хэдийгээр хэрэглэгчдийн үнийн индексээр тооцсон инфляцийн түвшин 1.6 хувь гарсан ч 2010 оноос хойш анх удаа орлогын түвшин инфляцийн өсөлтөөс давсан өсөлт үзүүлжээ.
Ажил хайгч иргэдийн тоо эхний гурван сарын байдлар 283,000 байгаа нь мөн л  1971 оноос хойш хамгийн өндөр үзүүлэлт юм. Сүүлийн саруудад Их Британы хөдөлмөрийн зах зээл хурдацтай сэргэж байгаа бөгөөд ажилгүйдлийн тэтгэмж хүсэгчдийн тоо 4-р сард 25,100-р буурч 1.12 саяд хүрсэн бөгөөд 16-24 насны ажилгүй иргэдийн тоо 48,000 мянгаар буурч 868,000 хүрч таван жилийн доод түвшиндээ хүрсэн байна. Ерөнхий сайд David Cameron  “Бидэнд хийх зүйл маш их байна, ажилгүйдлийн түвшин бууралттай байгаа нь сайн хэрэг. Илүү их ажлын байр бий болно гэдэг нь иргэдийн санхүүгийн байдал сайжирна” хэмээн мэдэгджээ.

Эх сурвалж: Мандал.мн