Сингапурт ажилладаг 228 гадаад ажилтнаас авсан судалгаагаар тэдний талаас дээш хувь нь найдвартай ажил тэдний санхүүгийн аюулгүй байдалд хамгийн их нөлөөлдөг гэж хариулжээ. Дэлхийн хэмжээн дахь гадаад ажилтны 39 хувь нь тэдэнтэй адил хариулт өгсөн байдаг.

Судалгааг гурван гол салбарын 7000 гадаад ажилтны дунд явуулсан ба улсуудыг эдийн засгийн үзүүлэлт, амьдралын хэв маяг, хүүхэд өсгөхөд хэр зэрэг тохиромжтой зэрэг үзүүлэлтээр харьцуулсан байна.

Хэдийгээр Сингапур дэлхийн хамгийн аюулгүй улсад тооцогддог ч хүүхэд эрүүл өсөж бойжих тал дээр хоёрдугаарт орсон ажээ. Судалгаанд хамрагдсан эцэг эхчүүдийн шийдвэрт тус улсын гэмт хэргийн гаралт бага, олон үндэстэн ажиллаж амьдардаг нь зэрэг зүйлүүд нөлөөлөх гол хүчин зүйл болсон байна.

Мөн судалгааны явцад Сингапур дахь гадаад ажилтнуудын 36 хувь нь хүүхдүүдээ илүү нээлттэй гэж боддог хэмээсэн нь дэлхийн үзүүлэлтээс /25 хувь/ их байна. Мөн тус улс нь эдийн засгийн сэтгэл ханамжаар тавдугаарт, эдийн засгийн үзүүлэлтээр есдүгээрт орсон бөгөөд судалгаанд оролцогчдын 61 хувь нь Сингапурыг орлого нэмэгдүүлэх боломжтой газар хэмээн үзжээ. Мөн судалгаанд оролцогсдыг татдаг хамгийн том хүчин зүйл нь карьерийн боломж байдаг гэнэ.

Түүнчлэн гадаад ажилтнууд тус улсын амьдралын чанарыг сайнаар үнэлж, аж ахуйн тал дээр хоёрдугаарт, нийтийн тээврийн чанараар тавдугаарт, эрүүл мэндийн хангамжаар долдугаарт орсон байна. Харин ажил амьдралын тэнцвэрээр 32, ажлын соёлын чанараар 33-р байрт оржээ.

Түүнээс гадна Азийн бүс санхүүгийн тал дээр дэлхийг тэргүүлж байгаа бөгөөд хамгийн өндөр цалин авдаг гадаад ажилтнууд Азид ажилладаг байна. Эйч эс би си-н судалгаанаас харахад Азид ажилладаг гадаад ажилтнуудын цалин дэлхий дахины судалгаатай харьцуулахад 15 хувиар өндөр байжээ.

Гадаад ажилтнуудын хувьд хамгийн шилдэг 10 улсаар
Хятад, Герман, Сингапур, Кайманы арлууд, Австрали, Канад, Орос, Бельги, Арабын нэгдсэн эмират улс, Гонконг тодорчээ.