Үндэстэн дамжсан компорацууд шинэ бүтээгдэхүүн, үйлчилгээ гаргах нь 2015 оны үндсэн гурван зорилтынх нь  дунд байгаа юм. Гэсэн ч тэдгээрийн 1/5 нь өөрсдийгөө шинийг санаачлахдаа “онц сайн” гэж үнэлдэг.
“Economist Intelligence Unit”-ийн сүүлийн үеийн судалгаагаар судалгаанд оролцогчдын дийлэнх нь өөрсдийгөө шинийг санаачлахдаа “сайн” гэсэн үнэлгээ өгсөн бол 13% нь “муу” “маш муу” гэдгээ хүлээн зөвшөөрсөн аж.
Үр дүнд нь компаниуд өөрсдийн инноваци хийх арга барилаа өөрчлөх замыг хайж байгаа билээ. Хятадын гурван компани тутмын хоёр нь дараагийн гурван жилийн хугацаанд инновацид хийх хөрөнгөө оруулалтаа нэмэгдүүлэхийг зорьж байгаа юм.
Судалгаанд оролцогчдын талаас илүү хувь нь хүн болгоны гаргасан шинэ санааг дэмждэг ажлын байрны соёл нь инновацийг бий болгох хамгийн чухал хүчин зүйл гэж үзсэн ба судалгаанд оролцогчдын 41%  “алдаа эндэгдлийг хүлээн зөвшөөрдөг соёл” 34% нь “хүчирхэг манлайлал” нь инноваци хийх чухал хүчин зүйл гэж үзэж байгаа юм.
Судалгаанд оролцогчод хэд хэдэн шалтгаануудаас үүдэн бүтээлч санаанууд дээр ажиллахад саад болдгыг онцолсон бөгөөд эдгээрээс дурьдвал өөрсдийн төсөл, шинэ санаан дээр ажиллахад цаг хангалтгүй, шинэ санааг дэмждэггүй, алдаа эндэгдлийг хүлээн зөвшөөрдөггүй гэх мэт.