Энэ удаагийн HR Update онцлог нь өмнөх жилүүдийн оролцогчидоос даруй 2 дахин их буюу 400 гаруй мэргэжилтэн, судлаач эрдэмтэн, залуу мэргэжилтнүүд оролцлоо. Түлхүүр сэдвийн хувьд өмнөх жилүүдэд "Мэргэжлийн ёс зүй" , "Хүний нөөцийн хэмжүүр", "Хүний нөөцийн хамтын ажиллагаа" сэдвээр зохион байгуулагдаж байсан бол энэ удаад "Хүний нөөц ба бүтээмж" сэдвийн хүрээнд "Стратегийн хүний нөөцийн менежмент" -н асуудлыг анх удаа хөндөж хэлэлцүүлсэн нь маш шинэлэг зүйл байлаа. Мөн илтгэгч нарын хувьд мэргэжлийн зөвлөхүүдээс гадна, стратегийн хүний нөөцийн менежмент /SHRM/-ийг байгууллага дээрээ үр дүнтэй хэрэгжүүлж, бодит үр дүнг мэдэрч байгаа хүний нөөц хариуцсан захирлуудын туршлага, бодол санааг олны хүрээл болгосон нь өндөр ач холбогдолтой байлаа.
Тусгаар арга хэмжээний түлхүүр илтгэгчдээр Imaco Consulting компанийн захирал Р.Лхагвадулам, MNO /Уул Уурхайн Үндэсний Олборлогч ХХК/ Хүний нөөцийн захирал Г.Нямдорж, Хүний нөөцийн хөгжлийн ассиоцацийн захирал С.Наранбаатар, Монголын Зөвлөхүүдийн Институтийн гүйцэтгэх захирал А.Алтантуяа, Монголын Хүний Нөөцийн Институтийн захирал Д.Бартанбаатар нар илтгэл тавьж хэлэлцүүлэв. Салбарын хөгжил хувь нэмэр оруулж мэдлэг мэдээллээсээ харамгүй хуваалцсан илтгэгч болон үйл ажиллагааг маань дэмжиж хүрэлцэн ирсэн хүндэт зочид Монгол Улсын Хөдөлмөрийн Яам, Хөдөлмөрийн Эрүүл Мэнд Судлалын газрын дарга, доктор П.Энхтайван, MLC Training LLC /Mongolian Learning Corporation/ захирал С.Баатарсүрэн нартаа хүний нөөцийн мэргэжилтнүүдийнхээ өмнөөс талархал илэрхийлж сайн сайхан бүхнийг хүсэн ерөөе.Монголын Хүний Нөөцийн Институт
2015.10.16
| Танд энэхүү мэдээлэл таалагдаж байвал Like дараарай! |
