ОХУ-д хийгдсэн хамгийн стресс ихтэй ажил үүргийг тодорхойлох судалгаанд  бидний хамгийн стесстэй ажил гэж боддог цагдаа сэргийлэх болон хууль сахиулах албаны ажил бус даатгалын салбарын ажил эхний байранд орсон байна. Head Hunter компанийн судалгаагаар даатгалын салбарт ажилладаг хүмүүсийн 79% нь стресст байнга автдаг байна. 

Түүний дараагаар хүний нөөц ба маркетингийн албан тушаалтнууд хамгийн стресс ихтэй ажилтнуудаар (Тус салбарын ажилтнуудын 73% нь өөрийн ажлыг ачаалал ихтэй гэж хариулсан)  шалгарчээ.  Дараагийн стресс ихтэй албан тушаалаар 69%-иар нягтлан бодогчид, хаган нийлүүлэлтийн ажилтнууд тодорчээ. Харин хамгийн стресс багатай ажлаар 53%-иар фитнесс болон гоо сайхны салбарын ажилтнууд,  52%-иар хамгаалагчдын ажил оржээ. 

Судалгаанд оролцогсдын 50% нь хобби буюу сонирхолдоо давхар хөтлөгдөх нь ажлын стрессийг бууруулах хамгийн зөв арга гэж үзсэн бол 1/3 нь стресст оруулж буй асуудлынхаа талаар найз нөхөд, гэр бүлийнхэнтэйгээ ярилцах нь стресс тайлах хамгийн сайн арга гэжээ. Мөн 15% нь ажилтай холбоотой стрессийг даван туулахын тулд  ямар нэгэн эм бэлдмэл хэрэглэдэг гэсэн бол 13% нь согтууруулах ундаа хэрэглэдэг гэжээ. Тус судалгаанд нийт 2669 хүн хамрагдсан юм байна.  

Эх сурвалж: МХНИ-н HUMAN CAPITAL - удирдагчийн сэтгүүл