Байгууллагын тогтвортой өсөлт, бүтээмж, ажилтны оролцоог дэмжихэд хүний нөөцийн мэргэжилтний мэдлэг, ур чадвар стратегийн чухал үүрэгтэй.
Монголын Хүний Нөөцийн Институтээс хэрэгжүүлж буй Хүний нөөцийн удирдлагын мэргэшүүлэх үндсэн сургалтын 2026 оны шинэчлэгдсэн хөтөлбөр нь хүний нөөцийн удирдлагын үндсэн чиг үүргийг системтэйгээр эзэмшүүлж, байгууллагын бодит орчинд хэрэгжүүлэх практик ур чадварыг хөгжүүлэхэд чиглэнэ.
Хөтөлбөрийн хүрээнд оролцогчид хүний нөөцийн төлөвлөлт, ажлын байрны шинжилгээ, сонгон шалгаруулалт, гүйцэтгэлийн удирдлага, цалин урамшуулал, сургалт хөгжил, хөдөлмөрийн харилцаа, ажилтны оролцоо болон хүний нөөцийн бодлого, баримт бичгийн үндсэн тогтолцооны талаар цогц мэдлэг эзэмшинэ.
2026 оны шинэчлэлээр байгууллагын хүний нөөцийн үйл ажиллагааг бизнесийн зорилготой уялдуулах, өгөгдөлд суурилсан шийдвэр гаргалт, дижитал хэрэгсэл болон хиймэл оюуныг хүний нөөцийн ажилд үр ашигтай ашиглах орчин үеийн агуулгыг хөтөлбөрт тусгасан.
Сургалт нь онол, кейс судалгаа, дасгал ажил, загвар баримт бичиг болон туршлага солилцоог хослуулсан арга зүйгээр явагдана.
Хэнд зориулагдсан бэ?
Хүний нөөцийн чиглэлээр ажиллаж эхэлж буй мэргэжилтэн, хүний нөөцийн ажилтан, менежер, захиргаа болон байгууллагын хүмүүсийн удирдлагын чиг үүргийг хариуцдаг ажилтнуудад зориулагдана.
Сургалтын үр дүнд
Оролцогч хүний нөөцийн үндсэн чиг үүргийг цогцоор нь ойлгож, байгууллагын хэрэгцээнд нийцсэн хүний нөөцийн үйл ажиллагааг төлөвлөх, хэрэгжүүлэх, үнэлэх суурь чадамжтай болно.
Мэргэжлийн сууриа системтэйгээр бүрдүүлж, хүний нөөцийн карьерын дараагийн түвшинд гарах хөтөлбөр.
Салбарын анхдагч | Мэргэжлийн мэргэшсэн | Хамгийн өргөн гадаад харилцаатай | Монголын Хүний Нөөцийн Институт | 7000-1075 | 8000-1075 | 9000-1075
| Танд энэхүү мэдээлэл таалагдаж байвал Like дараарай! |
