“Workplace Options”-ийн гаргасан шинэ судалгаагаар ажилтнууд өөрсдийн хувийн амьдралаа ажлын цагтайгаа хольж хутгаж байдгийг олжээ.
Судалгаанд оролцогчдын бараг 10 хүний 9 нь (87%) ажлын цагаа үе үе хувийн асуудлаа (санхүү, хууль, өдөр тутмын амьдралын үйл хэрэг) зохицуулахад ашигладаг гэжээ. Мөн 31% нь долоо хоног бүр эдгээр асуудлаа зохицуулахын тулд ажлын нилээдгүй цагаа зарцуулдаг аж.
Залуу ажилтнууд бусдаас илүүтэйгээр ажлын цагаа, хувийн асуудлаа шийдвэрлэхэд зарцуулдаг бол 30-45 насныхны ердөө 32% байдаг байна.
Маш олон компаниуд тэр дундаа томоохон ажил олгогчид ажилтнуудынхаа бүтээлч байдлыг нэмэгдүүлэх, цалин хөлсөө авч буй ажилдаа төвлөрөхөд нь туслах арга замыг хайж байна. Гэсэн ч эдгээр оролдлогуудын дийлэнх нь ажилтнуудын сэтгэл санаа, бие махбодийн эрүүл байхад анхаардаг.
Энэхүү бүтээмжийн алдагдлын хамгийн гол шалтгаан нь гэр бол, үр хүүхэдтэй холбоотой асуудал, хоёрт ажилтай хамааралгүй интернетийн хайлтууд байсан юм.
Түүнчлэн бүтээмж алдагдлын бас нэг шалтгаан нь ажил олгогчид ажилтнуудад цагаа хэрхэн зохицуулах талаар хөтөлбөр гаргаддаггүйтэй холбоотой гэжээ.