Фокус Азиа сонинд нийтлэгдсэн мэдээллээр Азийн улс орнуудад мэргэшсэн ажилтнуудын 80% нь албан тушаал дэвших (карьер ахих) боломжгүй байгаас болж ажлаа орхиж байна гэжээ. Ихэнх өндөр мэргэжилтэй ажилтнууд ажлын ярилцлагын үеэр ажил олгогчоос карьер ахих боломж байгаа эсэх талаар асуудаг гэнэ. 

Тус сонины “Карьер ахих боломжоор авьяастнуудыг татах нь” нийтлэл, тайланд ажил горилогчдын 74% нь шинэ ажилд орохдоо карьер ахих боломжийг маш чухал үзүүлэлт гэж үздэг гэж бичжээ. Мөн ихэнх байгууллагууд (78%) хилийн чанад дахь салбар руу томилогдохыг албан тушаал ахихтай адилтгаж үздэг байна.

Мэргэжлийн ажилтнуудын 54% ажил олгогч нь хэлсэндээ хүрч албан тушаал ахиулсан гэж хэлжээ. Судалгааг явуулсан Роберт Уолтерс “Ажлын байран дээр ажилтны шинэ ур чадвар, ажлын туршлага эзэмших хүсэл сонирхол өндөр байна” гэж хэлсэн байна. Энэ тайлангаас харахад шилдэг аяьяастнуудыг татах, тогтоон барих нь ажил олгогчдын хувьд гол асуудал хэвээр байна. Ажилтнуудын хувьд  албан тушаал ахих боломжийг чухалчилж үздэгийг ажил олгогчид хүлээн зөвшөөрсөнөөр энэ боломжийг хангаж өгөх шаардлагатай болж байна. Тиймээс албан тушаал ахих боломж олгодог, стратегийн хувьд зөв санаачилга гаргадаг байгууллагууд өндөр бүтээмжтэй ажилтнуудыг татаж, удаан хугацаагаар тогтвор суурьшилтай ажилуулж чадна.

Эх сурвалж: Монголын Хүний Нөөцийн Институт | #HumanCapital сэтгүүл