Учир нь урдаа ямар зорилт тавина түүнийхээ араас хэрхэн тэмүүлэх ёстойгоо мэддэггүйн улмаас энэхүү асуултыг хүнд гэж үздэг байна. Харин зарим нь тэдний зорилго нь ажил олгогчдод хийсвэр, бодит биш санагдана гэдгээс эмээдэг ажээ.
Дараагийн хүндхэн асуулт нь яагаад тухайн компанид ажиллахыг хүсэж байгаа (25%) талаархи байв.
Ажил горилогчид үүнд тохирсон хариулт өгөхөд тухайн компаний талаарх мэдлэг бага мөн ямар ямар карьерын боломж байгааг мэддэггүйтэй холбоотой асуудал гардаг байна.
Түүнчлэн ажлын ярилцлага өгч буй хүмүүс өөрсдийн сул болон давуу талаа ажил олгогч нарт тайлбарлахдаа хоёрдмол байдалд ордог байна.
Ажил горилогчид өөрийн давуу талаа илэрхийлэхэд хэт өөртөө итгэлтэй харагдах байх гэсэн айдастай байдаг бөгөөд сул талаа тайлбарласнаар боломжит ажлын байраа алдана гэж эмээдэг ажээ. Үүнээс гадна тэд сул талаа давуу тал болгож чадна гэдэгтэй итгэлтэй бус байдаг.
Судалгаанд орсон хүмүүсээс ажлын ярилцлага өгч байхад тэднээс асууж байсан хамгийн сонин асуултуудыг асуужээ. Эдгээр нь:
1. Санхүүгийн фирмд удирдах албан тушаалтны байранд ярилцлага өгч байх үед
- Шонгийн модон дээр гурван шувуу сууж байжээ. Тэдний нэгийг буудвал хэдэн шувуу үлдэх вэ?
2. Нийгмийн хангамжийн байгууллагад төслийн менежерийн албан тушаалын байранд ярилцлага өгч байх үед
- Америкт байдаг худагнууд дугуй хэлбэртэй байдаг бол Сингапурынх дөрвөлжин хэлбэртэй байдаг. Таны бодлоор аль хэлбэр нь илүү дээр вэ? яагаад?
3. Технологийн компанид IT инженерийн ярилцлага өгч байх үед
- Танд аавынхаа төрсөн өдрийг тэмдэглэж байх үед компаниас яаралтай хийж гүйцэтгэх ажлын үүрэг даалгавар өгчээ. Та юу хийх вэ?
4. Эрүүл мэндийн байгууллагад менежерийн албан тушаалын ярилцлага өгч байх үед
- Та ажлаасаа үзэг хулгайлж байсан уу?
гэх мэт ажлын онцлогт байдлаас тэс өөр асуултууд асуудаг жишээтэй байдаг байна.