Нэгэн он алсран холдож, нөгөө нэг нь үүд дэлдэж байна. Одож буй он олон сайхан бүгдийг бидэнд үлдээлээ. Онохдоо онож, алдахдаа алддаг хүн төрөлхтөн хэдий ч оносон олсон бүгдээ чухам энэ өдрүүддээ ярих нь зүй билээ. “ Байна байна гэвэл байгаа нэмэгддэг, үгүй үгүй гэвэл үгүй нэмэгддэг” гэдэгсэн. Шинэ оноо угтаж байгаа хүн бүр сайн сайхан болгоноо л ярих хэрэгтэй. Үг хамгаас хүчтэй ч гэдэг. Сүүлийн үед үг хамгийн хүчтэй энерги учраас сайныг ч дууддаг, саарыг ч дууддаг тухай онцлог болоод байна.

Монгол Улс туурга тусгаар улс болсноо дэлхий дахинд зарлан тунхагласны 100 жилийн түүхт өдрийг ёслол төгөлдөр тэмдэглэж байна. Монгол Улсын Гадаад харил­цааны яамны 100 жилийн ойг угтаж зохиосон олон талт ажлын хүрээнд Монгол Улсын гадаад хэргийг бүгд эрхлэн шийтгэгч яамны анхны тэргүүн сайд, Эрдэнэ дайчин хошой чин ван Гомбодоржийн Ханддоржийн хөшөө дурсгалыг нийслэлийн төв болох Чин ван Г.Ханддоржийн гэр музейн дэргэд сүндэрлүүлэн босгожээ.

Hомин холдинг компанийн хүний нөөц, захиргааны газар байгууллагын хүний нөөцийн бодлого стратегийг боловсронгүй болгож, албадыг чадавхижуулах хөтөлбөрийн хүрээнд Монголын Хүний Нөөцийн Институттэй хамтран ажиллаж байна. Тус хамтын ажиллагааны хүрээнд хүний нөөц, захиргааны газрын бүх менежерүүд бүрэн бүрэлдэхүүнээрээ хүний нөөцийн мэргэшүүлэх үндсэн сургалтыг амжилттай дүүргэж мэргэшлийн сертификат болон "хүний нөөцийн менежер" (HR Mongolia) батламж тэмдэгээ гардан авлаа. Нийт номинчууддаа амжилт бүтээлийн дээдийг хүсэн ерөөе.

Монголын Хүний Нөөцийн Институтын сургагч багш А.Отгон Америкийн Их Сургуулийн Вашингтоны Хуулийн коллеж (American University, Washington College of Law) -ийн магистрантурт суралцахаар боллоо.

Багш нарын цалинг ирэх дөрөвдүгээр сараас эхлэн шат дараатайгаар нэмэх болсон ч тэд оноос өмнө цалингаа нэмүүлэх хүсэлтэй байгаагаа мэдэгдсэн. Гэсэн ч холбогдох байгууллагууд нь энэ талаар шийдтэй хариу өгөөгүй байгаа юм.  Тэд шат дараатай арга хэмжээ авч ажил хаях түр хороог ч байгуулаад амжсан. Тэгвэл багш нар өчигдөр хугацаагүй ажил хаяхаар болсон тухайгаа мэдэгдсэн юм.  Тэд жагсаал, цуглаан зохион байгуулж, сануулах ажил хаялт хийж, Ерөнхийлөгчид хандсан ч нааштай хариу авахгүй нь гэж үзсэн бололтой. Тиймээс асуудлыг нь нааштайгаар шийдэх хүртэл хугацаагүй ажил хаяна гэсэн юм. . Ажил хаялт зарлахдаа  ажлын бүтэн цагаар буюу 08.00-17.00 цагийн хооронд ажил хаях аж.

Ази тивийн улс орнуудын Засгийн газрууд илүү тогт­вортой, хүртээмжтэй ажлын байр бий болгох тал дээр ан­хаарах шаардлагатай хэмээн НҮБ-ын Олон улсын хөдөл­мөрийн байгууллага (ОУХБ) анхаарууллаа.
Тэд ийнхүү анхааруулах болсон нь Европ болон АНУ-ын эдийн засгийн сүү­лийн үеийн хүндрэл Азийн хө­дөл­мөр эрхлэлтийн сал­барт сөргөөр нөлөөлж буйтай хол­боотой.

Монголын хүний нөөцийн институтээс зохион байгуулдаг удирдлагуудад зориулсан хүний нөөцийн сургалт буюу CHRM (Ахисан түвшний сургалт) байгууллагын хүрээнд зохион байгуулж бүх удирдах ажилтануудаа хамруулж байгаа хоёр дахь байгууллага бол Ус Сувгийн Удирдах Газар юм. Сургалтаар хүний нөөцийн удирдлагын бодлого төлөвлөлтийн асуудал болон удирдлагын ур чадвар, үнэлгээ, урамшуулалын оновчтой арга барилын талаар шинэ соргог мэдлэг, мэдээ мэдээлэл, практик зөвлөмжүүдийг өгөх юм.

Монгол улсын барилга, үйлдвэр, үйлчилгээний салбарт тэргүүлэх байгууллагын нэг Жигүүр Гранд Групп нийт удирдлагын бүрэлдэхүүндээ өмнө нь "Харилцааны соёл" сэдвээр сургалт авч байсан бол энэ удаад "Удирдлагчийн ур чадвар" сэдэвт сургалтыг авлаа. Хийж бүтээх хүсэл тэмүүлэл дүүрэнд хамт олонд тус сургалт бүр илүү их эрч хүчийг өгсөнд сэтгэл хангалуун байгаагаа илэрхийлж байлаа.

Монос фарм ХХК нь 1990 онд үүсгэн байгуулагдсан бөгөөд Монос группын ууган компаниудын нэг юм. Тус компани эрдэмтэд, эм зүйч, их эмч, химич, микробиологич нягтлан бодогч, инженерүүдээс бүрдсэн удирдлагын багийнхандаа энэ амралтын өдрүүдэд Монголын Хүний Нөөцийн Хүрээлэнтэй хамтран "Зэрэг дэвийн тогтолцоо", "Удирдагчийн ур чадвар" сэдвээр сургалт семинар зохион байгууллаа.