Багш нарын цалинг ирэх дөрөвдүгээр сараас эхлэн шат дараатайгаар нэмэх болсон ч тэд оноос өмнө цалингаа нэмүүлэх хүсэлтэй байгаагаа мэдэгдсэн. Гэсэн ч холбогдох байгууллагууд нь энэ талаар шийдтэй хариу өгөөгүй байгаа юм.  Тэд шат дараатай арга хэмжээ авч ажил хаях түр хороог ч байгуулаад амжсан. Тэгвэл багш нар өчигдөр хугацаагүй ажил хаяхаар болсон тухайгаа мэдэгдсэн юм.  Тэд жагсаал, цуглаан зохион байгуулж, сануулах ажил хаялт хийж, Ерөнхийлөгчид хандсан ч нааштай хариу авахгүй нь гэж үзсэн бололтой. Тиймээс асуудлыг нь нааштайгаар шийдэх хүртэл хугацаагүй ажил хаяна гэсэн юм. . Ажил хаялт зарлахдаа  ажлын бүтэн цагаар буюу 08.00-17.00 цагийн хооронд ажил хаях аж.

Ази тивийн улс орнуудын Засгийн газрууд илүү тогт­вортой, хүртээмжтэй ажлын байр бий болгох тал дээр ан­хаарах шаардлагатай хэмээн НҮБ-ын Олон улсын хөдөл­мөрийн байгууллага (ОУХБ) анхаарууллаа.
Тэд ийнхүү анхааруулах болсон нь Европ болон АНУ-ын эдийн засгийн сүү­лийн үеийн хүндрэл Азийн хө­дөл­мөр эрхлэлтийн сал­барт сөргөөр нөлөөлж буйтай хол­боотой.

Монголын хүний нөөцийн институтээс зохион байгуулдаг удирдлагуудад зориулсан хүний нөөцийн сургалт буюу CHRM (Ахисан түвшний сургалт) байгууллагын хүрээнд зохион байгуулж бүх удирдах ажилтануудаа хамруулж байгаа хоёр дахь байгууллага бол Ус Сувгийн Удирдах Газар юм. Сургалтаар хүний нөөцийн удирдлагын бодлого төлөвлөлтийн асуудал болон удирдлагын ур чадвар, үнэлгээ, урамшуулалын оновчтой арга барилын талаар шинэ соргог мэдлэг, мэдээ мэдээлэл, практик зөвлөмжүүдийг өгөх юм.

Монгол улсын барилга, үйлдвэр, үйлчилгээний салбарт тэргүүлэх байгууллагын нэг Жигүүр Гранд Групп нийт удирдлагын бүрэлдэхүүндээ өмнө нь "Харилцааны соёл" сэдвээр сургалт авч байсан бол энэ удаад "Удирдлагчийн ур чадвар" сэдэвт сургалтыг авлаа. Хийж бүтээх хүсэл тэмүүлэл дүүрэнд хамт олонд тус сургалт бүр илүү их эрч хүчийг өгсөнд сэтгэл хангалуун байгаагаа илэрхийлж байлаа.

Монос фарм ХХК нь 1990 онд үүсгэн байгуулагдсан бөгөөд Монос группын ууган компаниудын нэг юм. Тус компани эрдэмтэд, эм зүйч, их эмч, химич, микробиологич нягтлан бодогч, инженерүүдээс бүрдсэн удирдлагын багийнхандаа энэ амралтын өдрүүдэд Монголын Хүний Нөөцийн Хүрээлэнтэй хамтран "Зэрэг дэвийн тогтолцоо", "Удирдагчийн ур чадвар" сэдвээр сургалт семинар зохион байгууллаа.

Жилээс жилд хүчирхэгжин томорч байгаа үндэсний компаниудын нэг Шунхлай групп удирдлагын багаараа жил бүр цэвэр агаарт гарч "Хөгжлийн хөтөлбөр" зохион байгуулдаг уламжлалтай. Энэ удаад тус хөтөлбөр "Байгууллагын соёл" сэдвийн хүрээнд Монголын Хүний Нөөцийн Институттэй хамтран амжилттай зохион байгуулагдлаа.

Bloomberg өчигдөрхөн Английн ажилгүйчүүдийн тоо дээд цэгтээ хүрээд байгааг мэдээлжээ. Одоогийн байдлаас тус улсад нэг сая ажилгүй иргэд байгаа ажээ.Тэдний ихэнх нь хөдөлмөрийн идэвхтэй насандаа яваа залуус гэсэн сонирхолтой судалгаа ч бас International Labour Organization-ээс гаргажээ. Энэ нь сүүлийн 15 жилд анх удаа ажилгүйдлийн хувь хэмжээ 8,3 –аар өссөн үзүүлэлт юм.

    Өнгөрөгч долоо хоногт Монголын Хүний Нөөцийн Институтын зөвлөхийн баг ТЭЦ—IV цахилгаан станц дээр эрчим хүчний салбарт хүний нөөцийн удирдлагын загвар байгууллага болох төслийн ажлын судлагаа, төлөвлөлтийн ажлын хүрээнд үйлдвэрлэлийн процесс болон тус байгууллагын хамт олонтой танилцах хөтөлбөрийг зохион байгууллаа.

Монгол Улсын Ерөнхий сайдын хийсэн мэдээллээс үзвэл цалин, тэтгэвэр, тэтгэмжийг 2012 онд нийтдээ 53 хувиар нэмэх бөгөөд үүний дүнд цалин 2008 оны түвшингээс хоёр дахин нэмэгдэх аж. Ингэснээр төрийн албан хаагчдын дундаж цалин 200.0 мянган төгрөгөөр нэмэгдэж 600.0 мянган төгрөгт хүрэх юм байна. Цалин нэмэхдээ хүн бүрийн цалинг жигд хувиар биш ялгавартай нэмэгдүүлэх зарчим баримтлах ажээ. Иймд төрийн албан хаагчдын цалинг эхний ээлжинд ижил мөнгөн дүнгээр буюу /80000 төгрөгөөр/, дараагийн ээлжинд ижил хувиар /23  хувиар/ нэмэгдүүлэхээр тооцжээ. Ингэснээр төрийн албан хаагчдын доод цалин 2008 оны түвшингээс 2.3 дахин, үндсэн мэргэжилтэн багш, эмч нарын цалин 2.0 дахин, дээд цалин 1.8 дахин нэмэгдэнэ.