Монголын Хүний Нөөцийн Институтээс байгууллагын удирдлагууд болон хүний нөөцийн менежерүүдэд зориулсан Хүний нөөцийн  мэргэжлийн “Хүний баялаг” (Human capital) сэтгүүл худалдаанд гарлаа. Сэтгүүл номын худалдааны бүх цэгүүдээр худалдаалагдаж байгаа бөгөөд Институтийн гишүүд хөнгөлөлттэй үнээр худалдан авах боломжтой тул 70111880 дугаараар холбоо барьж нэмэлт мэдээллийг авна уу.
Сэтгүүлийн гол зорилго нь байгууллагын удирдлагууд болон хүний нөөцийн менежерүүдэд дутагдаж буй мэргэжлийн мэдлэг, шинэ мэдээ мэдээлэл, байгууллагын ажилтнуудын мэргэжлийн ур чадварыг хөгжүүлэхтэй холбогдсон зөвлөгөө, сургалт зэргийг хамгийн хүртээмжтэйгээр хүргэхэд чиглэгдэж байна.

Сайн байна уу Эрхэм уншигчид аа.

Та бүхэнтэй Монголын Хүний Нөөцийн Институтээс эрхлэн гаргаж байгаа хүний нөөцийн мэргэжлийн “HUMAN CAPITAL” сэтгүүлийнхээ анхны дугаараар мэндчилж байгаадаа туйлын сэтгэл хангалуун байна. Хүний нөөцийн мэргэжлийн байгууллагыг анхлан үүсгэн байгуулсан цагаас эхлээд л бидэнд бизнесийн байгууллагын удирдлагууд болон хүний нөөцийн мэргэжилтнүүдээс тухайн салбарын мэргэжлийн хэвлэл мэдээллийн хэрэгсэлийг бий болгох хүсэлт саналыг байнга тавьж байсан бөгөөд зорилго нэгт анд нөхөд, түншүүдийн тэрхүү хүсэлтийг сэтгэлдээ тээн явсаар өдгөө “HUMAN CAPITAL” хэмээх энэхүү сэтгүүлээр та бүхэнд хүрч байгаа билээ. “ХҮНИЙ БАЯЛАГ” сэтгүүл нь хүний нөөцийн менежментийн МОНГОЛ ЗАГВАР-ыг боловсруулан төлөвшүүлэх, хүний нөөцийн зөв бодлогыг дэмжиж хөгжүүлэх, хүний нөөцийн олон улсын мэдлэг туршлагыг нэвтрүүлэх ГҮҮР болно гэдэг итгэлтэй байна.

Эрхэм Таны ажил үйлс сэтгүүлийн маань нэр адил амжилт бүтээлээр БАЯЛАГ дүүрэн байх болтугай.