Монголын Хүний Нөөцийн Институтээс ДЦС-4 ТӨХК дээр хэрэгжүүлж буй төслийн хүрээнд "Удирдлагын ур чадвар", "Нөөцийн бүрдүүлэлт" сэдэвт дэд хөтөлбөрүүд хэрэгжиж эхлэж байна. Дэд төслүүдийн хүрээнд холбогдох судалгаанууд болон чадавхижуулах сургалт семинарууд зохион байгуулагдах юм.

Монголын Хүний Нөөцийн Институтээс зохион байгуулж буй "HR UPDATE" -гишүүд дэмжигчдийн анхдугаар зөвлөгөөн амжилттай зохион байгуулагдаж өндөрлөлөө. Тус арга хэмжээнд институтын гишүүд, дэмжигчид болон хамтран ажиллагч байгууллагуудын төлөөлөл болох 100 гаруй компанийн 157 төлөөлөгч оролцлоо. HR UPDATE -гишүүд дэмжигчдийн зөвлөгөөнд МХНИ-н захирал Д.Бартанбаатар (www.mhri.mn), Гэрэг хууль зүйн төвийн захирал Н.Цогжавхлан (www.geree.mn), ММХНМХ тэргүүн- Доктор Ц.Цэцэгмаа (www.monhrm.mn), Синглтон ХХК-н Бизнес хөгжлийн захирал Х.Жавхлан (www.biznetwork.mn), Бизтрий цахим хуудас - Зөвлөхүүд (www.biztree.mn) урилгаар оролцож шинэ соргог мэдээ мэдээллүүдээсээ хуваалцлаа. Урилгаар оролцсон зөвлөхүүд болон сэтгэл зүрх, итгэл үнэмшлээрээ биднийг дэмжин оролцсон нийт мэргэжилтнүүддээ амжилт бүхний дээдийг хүсэн ерөөе.

“ТАВАН БОГД ТРЕЙД” ХХК -ийн удирдлагын багийн хамт олонд "Коучинг арга зүй" сэдвийн хүрээн сургалт семинар зохион байгууллаа. “ТАВАН БОГД ТРЕЙД” ХХК нь “Таван Богд Групп”–ийн толгой компани бөгөөд 1997 онд Группийн хэмжээнд бодлого стратегийг нэгдсэн байдлаар тодорхойлох, шинэ бизнесийг нээн хөгжүүлэх, хөрөнгө оруулалт болон охин компаниудад менежментийн дэмжлэг үзүүлэх зорилготойгоор байгуулагдсан.

Бид харилцагчаа дээдэлж, дэлхийн жишигт нийцсэн өндөр чанартай бүтээгдэхүүн, шилдэг найдвартай үйлчилгээг эрхэмлэж ажиллана хэмээн эрхэмлэх зорилгоо тодорхойлсон Намир группын удирдлагын багийн бүрэлдэхүүнд "Баг бүрдүүлэлт" болон "Удирдагчийн ур чадвар" сэдвийн хүрээнд сургалт семинар зохион байгууллаа.

Global Finance сэтгүүлээс 2012 оны Монголын Улсын Шилдэг банк гэсэн нэр хүндтэй шагналыг хүртсэн "Голомт банк"-ны хамт олонд "Хэрэглэгчийн үйлчилгээ" сэдэвт сургалт семинар зохион байгууллаа.

Монголын Хүний Нөөцийн Хүрээлэн (Mongolian Human Resources Institute) Монос фарм трейд компанийн хамтын ажиллагааны хүрээнд хэрэгжиж байгаа "Бүтээмжийн хөтөлбөр"-ийн үргэлжлэл "Компанийн албадын уялдаа холбоо" сэдэвт сургалт семинараар үргэлжилж байна.

Дэлхийн зөн олон улсын байгууллагын Сэлэнгэ аймаг дахь салбарын урилгаар Монголын Хүний Нөөцийн Институтын зөвлөх аймгийн боловсролын газрын удирдах ажилтнуудад "Хамтран ажиллагсдаараа дамжуулан амжилтанд хэрхэн хүрэх вэ? " сэдэвт сургалтыг зохион байгууллаа. Мөн албан томилолтын хүрээнд дэлхийн зөн олон улсын байгууллагын тус салбар дахь нийт ажилтнуудад "Бүтээлч сэтгэлгээг нэмэгдүүлэх нь" сэдэвт сургалтыг зохион байгууллаа.

Моносфарм трейд компанийн удирдлагын багт "Үйл ажиллагааны төлөвлөлт болон төлөвлөгөө боловсруулах арга зүй" сэдэвт сургалт семинарыг ажилттай зохион байгууллаа. Сургалтын хүрээнд төлөвлөлт, төлөвлөлтийн бэрхшээл, төлөвлөлтийн хяналтаар практик зөвлөмжүүдийг өглөө.