Монголын хүний нөөцийн институтын удирдлагын багийн төлөөлөл Сингапурын хүний нөөцийн институтын гүйцэтгэх захирал Давид Анг-ийн урилгаар албан айлчлал хийж байна. Уг ажил хэргийн уулзалтаар хамтын ажиллагаагаа улам өргөжүүлэх, дотоодын мэргэжилтнүүдийг Сингапурт сургалт семинарт хамруулах, СХНИнститутын экспертүүдийг Монголд урьж олон улсын сургалт семинар зохион байгуулах хэлцэл хийх юм.

Монгол Улсын Их Сургууль - Эдийн засгийн сургуулийн удирдах ажилтнуудад зориулан
1. Хүний нөөцийн орчин үеийн чиг хандлага
2. Хүний нөөцийн бүрдүүлэлт, оновчтой сонгон шалгаруулалт
3. Хүний нөөцийн бодлого, төлөвлөлт
4. Хүний нөөцийн үнэлгээний арга зүй (Ажлын гүйцэтгэлийн тухай) сэдвийн хүрээнд сургалт семинар зохион байгууллаа.

Люксембургийн  Вант улсаас хэрэгжүүлж байгаа Санхүүгийн салбарыг чадавхижуулах төслийн хүрээнд Монголын Хүний Нөөцийн Институт Санхүүгийн зохицуулах хорооны  Тамгын газрын нийт ажилтнуудад "Байгууллагын соёл", "Баг бүрдүүлэлт" гэсэн сэдвээр хамт олны чадавхижуулах сургалт "Монголын нууц товчоо" амралтын цогцолборт амжилттай зохион байгууллаа.

 

“Илүү сайхан амьдралыг цогцлооё” уриатай БСБ сервис компанийн хамт олон "Хүний нөөцийн бүрдүүлэлт, сонгон шалгаруулт" сэдэвт сургалтыг    бүх шатны удирдах ажилтнуудынхаа хүрээнд зохион байгууллаа. Сургалтанд идэвхитэй оролцсон залуусдаа ажил хөдөлмөрийн өндөр амжилт хүсэн ерөөе.

Монголын хүний нөөцийн институтээс зохион байгуулдаг удирдлагуудад зориулсан хүний нөөцийн сургалт буюу CHRM (Ахисан түвшний ) сургалтанд Ус Сувгийн Удирдах Газар бүх шатны удирдах ажилтанууд хамрагдаж амжилттай төгслөө . Сургалтаар хүний нөөцийн удирдлагын бодлого төлөвлөлтийн асуудал болон удирдлагын ур чадвар, үнэлгээ, урамшуулалын оновчтой арга барилын талаар шинэ соргог мэдлэг, мэдээ мэдээлэл, практик зөвлөмжүүдийг салбарын тэргүүлэх мэргэжилтнүүд өгсөн юм.

Монос группын ууган компанийн нэг МоносФарм Трейд компани Монголын хүний нөөцийн институттэй хамтран "Байгууллагын соёлын цогц хөтөлбөр"-ийг хэрэгжүүлэх гэрээнд гарын үсэг зурж, хөтөлбөрийн нээлтийн ажиллагааг "Орчин цагийн хүний нөөцийн удирдлага" семинараар албан ёсоор нээж эхлүүллээ.

Монголын хүний нөөцийн институтын дэргэдэх HR CLUB анх 2009 онд үүсгэн зохион байгуулагдсан бөгөөд институтын гишүүн байгууллагууд болон мэргэшүүлэх үндсэн сургалтыг төгсөгчдийн хүрээнд үйл ажиллагаагаа явуулж ирсэн юм. Харин 2010 оноос гишүүд төдийгүй дэмжигчдийн зүгээс тавьсан хүсэлтийг үндэслэн үйл ажиллагаагаа өргөжүүлэн нээлттэй зохион байгуулалтанд ороод байна. 

Монголын хүний нөөцийн хүрээнгийн дэргэдэх HR CLUB -н ээлжит цугларалт амжилттай зохион байгуулагдлаа. Арга хэмжээний үеэр БНСУ-н "Know-how training action" компанийн захирал хатагтай Пак Сүн Жон "Өөрчлөлтийн менежмент - Өнөөдрийн өөрчлөлт, ирээдүйн амжилт " сэдвээр маш сонирхолтой, бүтээлч сургалт семинарыг зохион байгууллаа. Сургалт илүү амь хөгжилтэйгээр зохион байгууллагдсан тул HR CLUB-ийнхэн шинэ мэдлэг, шинэ хандлагыг суралцсандаа сэтгэл хангалуун байгаагаа илэрхийлж байлаа.

Монголын Хүний Нөөцийн Институтийн дэргэдэх HR Club-ийн гишүүдийн тангараг өргөх ёслолд зориулан байгууллагын удирдлагууд,  хүний нөөцийн менежер,  хүний нөөцийн менежментийн салбарыг сонирхон судлагчдад   зориулан БНСУ-ын KTA /Кnow-how training action/–компанийн  сургагч багш Пак Сүн Жон  Change management (Өнөөдрийн өөрчлөлт, ирээдүйн амжилт) сэдэвт сонирхолтой лекц тавих гэж байна. Уг лекц энэ сарын 8-ны өдрийн 15 цагт зохион байгуулагдана.